თავდაცვის სამინისტროში „დიმიტრი ამილახვარის ფრანგულ-ქართული სტრატეგიული დიალოგის“ ფორმატში შეხვედრა გაიმართა

საქართველოს თავდაცვის სამინისტროში „დიმიტრი ამილახვარის ფრანგულ-ქართული სტრატეგიული დიალოგის“ ფორმატში შეხვედრა გაიმართა.

უწყების ინფორმაციით, ფრანგ სტუმრებს თავდაცვის მინისტრის პირველმა მოადგილემ, ლელა ჩიქოვანმა და თავდაცვის ძალების წარმომადგენლებმა უმასპინძლეს.

მათივე ცნობით, მინისტრის მოადგილემ თავდაცვის სფეროში პარტნიორობის მნიშვნელობა ხაზგასმით აღნიშნა და საფრანგეთს საქართველოს თავდაცვითი შესაძლებლობების განვითარებაში შეტანილი წვლილისთვის მადლობა გადაუხადა.

„მხარეებმა თავდაცვის სფეროში ორმხრივი თანამშრომლობის მიმდინარე საკითხებსა და თანამშრომლობის განვითარების სამომავლო გეგმებზე ისაუბრეს. ასევე, განსაკუთრებული ადგილი დაეთმო აფრიკის კონტინენტზე მიმდინარე სამშვიდობო მისიებსა და მრავალეროვნულ სწავლებებში ქართველი და ფრანგი სამხედროების ერთობლივი მონაწილეობის საკითხს, ნატო-საქართველოს არსებითი პაკეტის (SNGP) ერთ-ერთი ინიციატივის - საჰაერო თავდაცვის განვითარებაში საფრანგეთის მხარდაჭერას. შეხვედრაზე საუბარი უკრაინაში მიმდინარე მოვლენებს და შავი ზღვის რეგიონზე მის გავლენას შეეხო.

ხაზგასმით აღინიშნა, რომ საქართველოს ევროატლანტიკური მისწრაფებები ურყევია, ხოლო მშვიდობის დამყარების, სტაბილურობისა და რეგიონის განვითარების საქმეში დასავლეთის მხარდაჭერა მნიშვნელოვანი. ამ კონტექსტით ყურადღება ევროკავშირში საქართველოს გაწევრიანების მნიშვნელობასა და პერსპექტივებზე გამახვილდა.

შეხვედრის დასასრულს, ფრანგულმა მხარემ თავდაცვის მინისტრის პირველ მოადგილეს, ლელა ჩიქოვანს, საფრანგეთის რესპუბლიკის პრეზიდენტის დეკრეტის საფუძველზე, „ღირსების ეროვნული ორდენი“ გადასცა. უმაღლესი ჯილდო ლელა ჩიქოვანს საფრანგეთსა და საქართველოს შორის თანამშრომლობის გაღრმავებაში შეტანილი განსაკუთრებული წვლილისთვის მიენიჭა.

„ღირსების ეროვნული ორდენი“ საფრანგეთის უმაღლეს ეროვნულ ჯილდოს წარმოადგენს და მას საფრანგეთის პრეზიდენტი უდიდესი სამხედრო და სამოქალაქო მიღწევებისთვის ანიჭებს.

შეხვედრას თავდაცვის ძალების მეთაურის მოადგილე ბრიგადის გენერალი ირაკლი ჭიჭინაძე, საფრანგეთის რესპუბლიკის თავდაცვის სამინისტროს საერთაშორისო ურთიერთობისა და სტრატეგიის გენერალური დირექტორატის უფროსის მოადგილე გენერალ-ლეიტენანტი ლიუკ დე რანკური, საფრანგეთის რესპუბლიკის ელჩი საქართველოში, დიეგო კოლასი, საფრანგეთის რესპუბლიკის თავდაცვის ატაშე, ვიცე-პოლკოვნიკი ფრედერიკ კამპოსი და სხვა ოფიციალური პირები დაესწრნენ.

„დიმიტრი ამილახვარის სტრატეგიული დიალოგი“ ფრანგულ მხარესთან მრავალმხრივ, მათ შორის, თავდაცვისა და უსაფრთხოების სფეროში ინტენსიურ კონსულტაციებს ითვალისწინებს,“ - აღნიშნულია თავდაცვის სამინისტროს მიერ გავრცელებულ ინფორმაციაში.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა