შპს „საქართველოს გაზის ტრანსპორტირების კომპანია“ ხვალ, 31 მაისს ქუბრიანთკარის გაზგამანაწილებელ სადგურში სარემონტო სამუშაოებს გეგმავს, რის გამოც 31 მაისს 10:00 დან 19:00 საათამდე ბუნებრივი გაზის მიწოდება შეუწყდება დუშეთის მუნიციპალიტეტის სოფლებს (არანისი, ჩინითი, არაგვისპირი, ბოდორნა, ჭოპორტი, ბულაჩაური, წითელსოფელი), ასევე დაბა ჟინვალს, ქალაქ დუშეთსა და მასში შემავალ სოფლებს.
„საქართველოს გაზის ტრანსპორტირების კომპანიის“ ინფორმაციით, ბუნებრივი გაზის მიწოდება გამორთულ გაზგამანაწილებელ სადგურში სამუშაოების დასრულებისთანავე აღდგება, ხოლო მოსახლეობისთვის ბუნებრივი გაზის მიწოდებას შესაბამისი გაზგამანაწილებელი კომპნია ეტაპობრივად განახორციელებს.
კომპანიის ცნობით, შპს „საქართველოს გაზის ტრანსპორტირების კომპანია“ სისტემატურად ახორციელებს გაზსადენებისა და გაზგამანაწილებელი სადგურების სარემონტო-სარეაბილიტაციო სამუშაოებს, რაც უზრუნველყოფს მომხმარებლების უსაფრთხო, საიმედო და უწყვეტ გაზმომარაგებას.