გიორგი ამილახვარი - მნიშვნელოვანია გავზარდოთ იმ ფასეულობების და ღირებულებების ცოდნა, რაზეც დგას ევროპა და „ევროპის უნივერსიტეტის“ პროექტიც სწორედ ამას ემსახურება

მნიშვნელოვანია გავზარდოთ იმ ფასეულობების და ღირებულებების ცოდნა, რაზეც დგას ევროპა და „ევროპის უნივერსიტეტის“ პროექტიც სწორედ ამას ემსახურება, - ამის შესახებ განათლებისა და მეცნიერების კომიტეტის თავმჯდომარემ გიორგი ამილახვარმა ერასმუს + ჟან მონეს პროექტის - „ევროპული ღირებულებებისა და სტანდარტების განვითარება საქართველოს სკოლებში“ (EU-GS), შემაჯამებელ კონფერენციაზე განაცხადა, რომელიც „რესპუბლიკის“ საკონფერენციო დარბაზში მიმდინარეობს.

საპარლამენტო უმრავლესობის დეპუტატმა „ევროპის უნივერსიტეტს“ პროექტის წარმატებით განხორციელება მიულოცა და აღნიშნა, რომ მსგავს პროექტებს დიდი მნიშვნელობა აქვს ახალგაზრდების ცნობიერების ამაღლების მიზნით.

„გილოცავთ, ვიცი რასთან არის დაკავშირებული ამ პროექტის წარმატებით განხორციელება. იდეაც და თემატიკაც გაქვთ სწორად შერჩეული, ქვეყნის იმ მიზნებიდან და ამოცანებიდან გამომდინარე, რომელსაც ახლა საქართველო გადის. ის ღირებულებები, ფასეულობები, მნიშვნელოვანია ამის ცოდნა გავზარდოთ სასწავლებლებში და სწორედ ამას ემსახურებოდა ეს პროექტი. 18 თვის განმავლობაში მიმდინარეობდა სხვადასხვა სკოლებში და დარწმუნებული ვარ, ბევრი სიახლე და ინოვაცია და ის ღირებულითი ფასეულობა გაიგეს ჩვენმა ბავშვებმა, რაც უნდა იცოდნენ ევროპის შესახებ, რისკენაც ჩვენ მივისწრაფვით. გილოცავთ კიდევ ერთხელ ამ მნიშვნელოვან პროექტს“, - განაცხადა ამილახვარმა.

„ევროპის უნივერსიტეტის“ მიერ განხორციელებული პროექტი მიზნად ისახავს ზოგადი განათლების სისტემის ევროპულ სტანდარტებთან დაახლოების პროცესის ხელშეწყობას.

დავით ზურაბიშვილი - ჩვენ გვყავს ხელისუფლება, რომელსაც არ აქვს განცდა, რომ ქართული სახელმწიფოს ხელმძღვანელია
სოფიო ხორგუანი - როდესაც ჩიხში შედიხარ, უნდა დაბრუნდე უკან და მოძებნო ის გზა, რომელიც ჩიხს აგარიდებს
ქართული პრესის მიმოხილვა 15.05.2025
ქუთაისის მაკდონალდსი ახალ ეპოქაში - რემოდელინგი, რომელიც სტანდარტებს ცვლის
ვალუტის გაცვლა ახლა უკვე Scapp-შია – სვის კაპიტალი აპლიკაციის ფუნქციონალს აფართოებს
ბრემენის უნივერსიტეტსა და აღმოსავლეთ ევროპის უნივერსიტეტს შორის თანამშრომლობის ფართო ხელშეკრულებას მოეწერა ხელი
Harmont & Blaine-მა თბილისში ახალი მონობრენდული მაღაზია გახსნა
PSP-სა და „MAGENTO“-ს სერტიფიცირებულ პარტნიორს „Bighorn Web Solution“ შორის ელ-კომერციის პლატფორმის სრულყოფილი განახლების კონტრაქტი გაფორმდა