იაგო ხვიჩია - როცა ქვეყნის შიგნით არსებული „ქოც-ნაცური“ დაპირისპირება სცდება ქვეყნის ფარგლებს, ამ ქვეყნის ინტერესები ზიანდება

როცა ქვეყნის შიგნით არსებული „ქოც-ნაცური“ დაპირისპირება სცდება ქვეყნის ფარგლებს, ამ ქვეყნის ინტერესები ზიანდება, - ასე ეხმიანება „გირჩის" დეპუტატი იაგო ხვიჩია „ევროპის სახალხო პარტიის" განცხადებას.

მისი თქმით, ბოლო 10 წელია ქვეყანაში ეს რეალობაა.

„როცა ქვეყნის შიგნით არსებული „ქოც-ნაცური“ დაპირისპირება სცდება ქვეყნის ფარგლებს, ამაში ერევიან ჩვენი ქვეყნის პარტნიორები და ზიანდება ამ ქვეყნის ინტერესები. სამწუხაროდ, ასეთი შემთხვევა არც პირველია და არც უკანასკნელი. არ არსებობს დრო, როცა „ქოც-ნაცური“ ჩხუბი ქვეყანას მოუხდებოდა, მაგრამ ბოლო 10 წელია ამ რეალობაში ვცხოვრობთ და სულ მნიშვნელოვანი დროა ჩემი აზრით ქვეყნისთვის, ახლაც მნიშვნელოვანი დროა და ერთი წლის წინაც მნიშვნელოვანი იყო, მომავალშიც ასე იქნება. საჩხუბრად დროს არ უნდა ვხარჯავდეთ“, - განაცხადა ხვიჩიამ.

კითხვაზე, ეთანხმება თუ არა განცხადების შინაარსს ოლიგარქიულ მმართველობაზე, ხვიჩია აცხადებს, რომ „რისი თქმაც სურდა, თქვა".

ცნობისათვის, „ევროპის სახალხო პარტიის" მიერ გავრცელებულ განცხადებაში აღნიშნულია, რომ საქართველოში არაფორმალურმა, ოლიგარქიულმა მმართველობამ კარგ მმართველობას ძირი გამოუთხარა და შედეგად გამოიწვია დემოკრატიული ინსტიტუტების მუდმივი რღვევა.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა