ჯანდაცვის მინისტრის მოადგილის, თამარ გაბუნიას განცხადებით, კლინიკების შემოწმების შედეგები „მოკლე ხანში გასაჯაროვდება“.
მისივე თქმით, კლინიკების შემოწმება აქტიურ რეჟიმში მიმდინარეობს.
„კლინიკების აუდიტის პროცესი მიმდინარეობს. ჯერ კიდევ მიმდინარეობს რიგი კლინიკების აქტიური შემოწმება. ვფიქრობ, მოკლე ხანში გასაჯაროვდება შედეგები",- აღნიშნავს გაბუნია.
რაც შეეხება რესპუბლიკურ საავადმყოფოში მიმდინარე რეორგანიზაციას, როგორც გაბუნია განმარტავს, რესპუბლიკური საავადმყოფო მრავალპროფილური კლინიკის ფორმატში მუშაობას უბრუნდება.
„გარკვეული შიდა გადანაცვლება ამ პროცესს თან ახლავს. პერსონალი, რომელიც კორონავირუსის დროს მაქსიმალურად იყო დატვირთული, ახლა უკვე დაუბრუნდება სამუშაო ადგილს, სადაც პანდემიის დაწყებამდე იყვნენ",-აღნიშნავს გაბუნია.