მიხეილ სააკაშვილის ადვოკატებს სასამართლოს განჩინება ჩაბარდათ, რომლითაც ცენტრ „ემპათიას“ექსპერტებს მიხეილ სააკაშვილის მონახულების საშუალება აქვთ
მიხეილ სააკაშვილის ადვოკატებს სასამართლოს განჩინება ჩაბარდათ, რომლითაც ცენტრ „ემპათიას“ სამედიცინო ექსპერტებს მიხეილ სააკაშვილის მონახულების საშუალება აქვთ. აღნიშნული ინფორმაცია მიხეილ სააკაშვილის ადვოკატმა, შოთა თუთბერიძემ „ინტერპრესნიუსთან“ საუბრისას დაადასტურა.
თუთბერიძის თქმით, „ემპათიას“ ექსპერტებთან ერთად ის მიხეილ სააკაშვილის მოსანახულებლად „ვივამედში“ შესვლას უახლოეს მომავალში გეგმავს.
„სასამართლოს განჩინება ჩაგვბარდა, ახლა ექსპერტებთან ერთად სააკაშვილთან შესვლა უნდა ვცადოთ. თუ შეგვიშვებენ კარგი, თუ არა და ეს იქნება სასამართლოს გადაწყვეტილების შეუსრულებლობა. მასთან ვიზიტის ორგანიზებას მაქსიმალურად მოკლე დროში ვცდილობ. შესაძლოა, ეს დღესვე მოვასწროთ“, - განაცხადა თუთბერიძემ.
ცნობისთვის, მოსამართლე ნინო ჩახნაშვილმა დაცვის მხარის შუამდგომლობა მიხეილ სააკაშვილთან ვიზიტისთვის ექსპერტთა ჯგუფი დაშვებაზე 25 მაისს დააკმაყოფილა.
v-if="article.gallery" v-html="article.gallery"
