პარლამენტის თავდაცვის კომიტეტის თავმჯდომარის პირველი მოადგილე ალექსანდრე ტაბატაძე პოლიციელებს პროფესიულ დღეს ულოცავს.
როგორც ის აღნიშნავს, ქართველი პოლიციელების თავდადება, პროფესიონალიზმი და მართლმსაჯულების სადარაჯოზე დგომა აძლიერებს საზოგადოების ნდობას მათ მიმართ.
“ ჩვენს საამაყო პოლიციელებს ვულოცავ პროფესიულ დღეს. ქართული პოლიცია მნიშვნელოვან როლს ასრულებს თანამედროვე ქართული სახელმწიფოს მშვიდობიან განვითარებაში. ქართველი პოლიციელების თავდადება, პროფესიონალიზმი და მართლმსაჯულების სადარაჯოზე დგომა აძლიერებს საზოგადოების ნდობას მათ მიმართ. მათი მუხლჩაუხრელი და გმირული შრომის შედეგია უსაფრთხო გარემო, რომელშიც ვერასოდეს გაბატონდება კრიმინალი და უკანონობა. მინდა მადლობა გადავუხადო მათ ქვეყნის ერთგულებისთვის და ვუსურვო წარმატება ქვეყნის სამსახურში”,- აღნიშნავს ალექსანდრე ტაბატაძე.