ადვოკატის განცხადებით, მიხეილ სააკაშვილი ელოდება ექსპერტებს და მზად არის ექსპერტიზის ჩატარებაში მონაწილეობა მიიღოს
საქართველოს მესამე პრეზიდენტის მიხეილ სააკაშვილის ადვოკატის შოთა თუთბერიძის განცხადებით, ყოფილ პრეზიდენტთან ექსპერტთა ჯგუფი სავარაუდოდ ხვალ შევა.
ადვოკატის განცხადებით, მიხეილ სააკაშვილი ელოდება ექსპერტებს და მზად არის ექსპერტიზის ჩატარებაში მონაწილეობა მიიღოს.
“მიხეილ სააკაშვილის ჯანმრთელობის მდგომარეობა ვიზუალური შეფასებით კვლავინდებურად ცუდია, ხოლო სამედიცინო მაჩვენებლით, როგორც ჩემთვის ცნობილია მისი მდგომარეობა უარესდება, ამიტომ მისი მკურნალობის კურსი არა მხოლოდ გაგრძელებას, არამედ გარკვეულ პოზიტიურ ცვლილებებსაც მოითხოვს.
მიხეილ სააკაშვილი ელოდება ექსპერტებს და მზად არის ექსპერტიზის ჩატარებაში მონაწილეობა მიიღოს. ჩვენი საზრუნავია ექსპერტების შესვლის ორგანიზება მოხდეს რაც შეიძლება სწრაფად. სავარაუდოდ, ეს მოხდება ხვალისთვის იმიტომ, რომ დღეს უკვე სამუშაო საათები სრულდება”,- განაცხადა თუთბერიძემ.
ადვოკატის განცხადებით მოლოდინი, რომ პენიტენციურმა სამსახურმა შექმნას ხელოვნური დაბრკოლებები, აქვს მიხეილ სააკაშვილსაც და დაცვის მხარის ყველა წარმომადგენელს.
ცნობისთვის, მოსამართლე ნინო ჩახნაშვილმა დაცვის მხარის შუამდგომლობა მიხეილ სააკაშვილთან ვიზიტისთვის ექსპერტთა ჯგუფი დაშვებაზე 25 მაისს დააკმაყოფილა.
v-if="article.gallery" v-html="article.gallery"
