გეგმური სარეაბილიტაციო სამუშაოების გამო, 1-ელ ივნისს, „ენერგო-პრო ჯორჯიას“ ქსელში ჩართული აბონენტების ნაწილს ელექტროენერგიის მიწოდება შეეზღუდება.
კომპანიის ცნობით, 1-ელ ივნისს, 10:30 საათიდან 19:00 საათამდე ელექტროენერგიის მიწოდება შეეზღუდება აბონენტებს მცხეთის რაიონის სოფლებში: ქსოვრისი, ილტოზა, მუხრანი, ქსანი, მუხრანი, ვარდისუბანი და მიმდებარე სოფლები.
11:00 საათიდან 18:00 საათამდე აბონენტებს დუშეთის რაიონის სოფლებში: ოძისი, ბაქაქურები, ახატანი, ბიწმენდი და მიმდებარე სოფლები.
12:00 საათიდან 18:00 საათამდე აბონენტებს ყაზბეგის რაიონის სოფლებში: არშა, სტეფანწმინდა, გარბანი, სიონი, გორისციხე, ცდო, გერგეტის უბანი და მიმდებარე სოფლები.
კომპანიაში აცხადებენ, რომ სარეაბილიტაციო სამუშაოების დასრულებისთანავე, ელექტროენერგიის მიწოდება ჩვეულ რეჟიმში აღდგება.