გიული ალასანია - ჩემი შვილი ძალიან კარგ გუნებაზე იყო იმიტომ, რომ არცერთ ქართველს არ ღირსებია ასეთი პატივი - EPP-ს ყრილობაზე მისთვის განკუთვნილი ცარიელი სკამი იდგა და დარბაზში მქუხარე ოვაციები იყო

ძალიან ამაყი გამოვედი, დონალდ ტუსკმა, თავისი გამოსვლა დაამთავრა ჩემი შვილის გაგზავნილი ტექსტით. დაინგრა დარბაზი ოვაციებისგან, - ამის შესახებ საქართველოს მესამე პრეზიდენტის, მიხეილ სააკაშვილის დედამ გიული ალასანიამ ჟურნალისტებს ყოფილ პრეზიდენტთან შეხვედრის შემდეგ განუცხადა.

ალასანიას განცხადებით, დღეს მიხეილ სააკაშვილი კარგ გუნებაზე იყო იმიტომ, რომ ძალიან ამაყი იყო, რადგან “არცერთ ქართველს არ ღირსებია ასეთი პატივი”.

“ძალიან ამაყი გამოვედი იმიტომ, რომ დღეს როტერდამში უზარმაზარ დარბაზში, სადაც ძალიან ბევრი პრეზიდენტი, ვიცე-პრეზიდენტი ესწრებოდა, დონალდ ტუსკმა თავისი გამოსვლა ჩემი შვილის გაგზავნილი ტექსტით დაამთავრა. დაინგრა დარბაზი ოვაციებისგან.

იმედი გვაქვს, რომ ხვალ შემოვლენ ექიმები და დაიძვრება ეს პროცესი. ჩვენ ძალიან ვჩქარობთ იმიტომ, რომ მისი ჯანმრთელობა ვეღარ დაიცდის.

დღეს ძალიან კარგ გუნებაზე იყო იმიტომ, რომ არცერთ ქართველს არ ღირსებია ასეთი პატივი. ცარიელი სკამი იდგა და დარბაზში მქუხარე ოვაციები იყო. ასეთი შემთხვევა არ მაგონდება. ძალიან ამაყი იყო.

მოლოდინი გვქონდეს უკეთესის. ოპტიმისტები ვიყოთ. დავიღალეთ უკვე ამდენი პესიმიზმით და ამდენი უბედურებით. ველოდები, რომ ყველაფერი კარგად წავა”,- განაცხადა გიული ალასანიამ.

ცნობისთვის, როტერდამში "ევროპის სახალხო პარტიის" ყრილობა გაიხსნა, სადაც პოლონეთის ყოფილმა პრემიერ-მინისტრმა, ევროპული საბჭოს ყოფილმა პრეზიდენტმა დონალდ ტუსკმა დელეგატებს სიტყვით მიმართვის ბოლოს საქართველო ყოფილი პრეზიდენტის მიხეილ სააკაშვილის მიმართვა წაიკითხა.

დარბაზში მიხეილ სააკაშვილისთვის განკუთვნილი ცარიელი სკამი იდგა.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა