ევროპალატის სამეზობლო და გაფართოების კომიტეტმა ევროკომისიის ფარგლებში შექმნილი უკრაინის ეკონომიკური გუნდის მხარდამჭერი ჯგუფის ხელმძღვანელთან, იული კიელიტისთან სამუშაო შეხვედრა გამართა. ამის შესახებ ინფორმაციას საქართველოს სავაჭრო პალატა ავრცელებს.
მათივე ინფორმაციით, ონლაინ ფორმატის შეხვედრაზე განიხილეს უკრაინის მხარდამჭერი ღონისძიებები, ასევე უკრაინის საქართველოსა და მოლდოვას ბიზნეს წრეების ევროკავშირში ინტეგრაციის საკითხები.
„სავაჭრო პალატის პრეზიდენტმა, გიორგი პერტაიამ მიმოიხილა უკრაინაში მიმდინარე მოვლენების გავლენები საქართველოზე და ქართულ ეკონომიკაზე.
გიორგი პერტაიამ ხაზი გაუსვა უკრაინის, საქართველოს, მოლდოვასა და უკრაინისთვის ევროკავშირის წევრობის კანდიდატის სტატუსის მინიჭების ისტორიულ მნიშვნელობას.
კომიტეტის ფარგლებში შეხვედრის მონაწილეებმა ასევე მოისმინეს უკრაინის ეკონომიკური გუნდის მხარდამჭერი ჯგუფის შემდგომი სტრატეგია და სამუშაო გეგმა. განიხილეს მიმდინარე საკითხებიც.
შეხვედრაზე იმსჯელეს ევროკომიის მხრიდან, ასევე ევროკავშირისა და აღმოსავლეთ პარტნიორი ქვეყნების სავაჭრო-სამრეწველო პალატების მიერ უკრაინის და უკრაინული პალატების მხარდამჭერ ღონისძიებებზეც”, - ნათქვამია ინფორმაციაში.