კონკურენციის ეროვნული სააგენტო - „მომხმარებლის უფლებების დაცვის შესახებ“ კანონის ეფექტური აღსრულებისთვის, კონკურენციის ეროვნული სააგენტო, ევროპელ პარტნიორებთან ერთად, აქტიურად ემზადება

კონკურენციის ეროვნული სააგენტოს ინფორმაციით, საქართველოსა და ევროკავშირს შორის გაფორმებული ასოცირების შეთანხმების ფარგლებში, „მომხმარებლის უფლებების დაცვის შესახებ“ კანონი, რომელიც საქართველოს პარლამენტმა გაზაფხულზე მიიღო, დღეიდან ამოქმედდა.

მათივე ცნობით, კონკურენციის ეროვნული სააგენტო სავარაუდო დარღვევის ფაქტებზე, ნებისმიერი ფიზიკური პირის განაცხადის განხილვას მიმდინარე წლის 1-ლი ნოემბრიდან დაიწყებს.

ამასთან, კანონის ეფექტური აღსრულებისთვის, სააგენტო ევროპელ პარტნიორებთან ერთად, აქტიურად ემზადება და როგორც კონკურენციის ეროვნული სააგენტოს თავმჯდომარემ, ირაკლი ლექვინაძემ განაცხადა, სააგენტო მომხმარებელთა უფლებებზე ფოკუსირებული ორწლიანი დაძმობილების „ტვინინგ“ პროექტის განხორციელებასაც იწყებს.

მისი თქმით, სააგენტოს კონსულტაციებს, ტექნიკურ მხარდაჭერას ლიეტუვის და ავსტრიის კონკურენციის უწყებების პროფესიონალთა გუნდი გაუწევს.

„დღეიდან კონკურენციის ეროვნულ სააგენტოში შესაბამისი დეპარტამენტის ფორმირება იწყება. საქმის შესწავლის წესისა და პროცედურის თაობაზე კანონქვემდებარე აქტი შემუშავდება. ასევე, საერთაშორისო პრაქტიკის გაცნობისა და დანერგვის მიზნით, თანამშრომელთა გადამზადებაც იგეგმება. უკვე სექტემბრიდან კი, კანონით განსაზღვრული ძირითადი უფლებების და სხვადასხვა საოპერაციო საკითხების განსახილველად, ბიზნეს სექტორთან და მომხმარებელთან აქტიური შეხვედრები დაიწყება,“ - განაცხადა ირაკლი ლექვინაძემ.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
გიორგი კაჭარავა - ევროკავშირის გრძელვადიანი სტრატეგიული ინტერესების გათვალისწინებით, ამ ეტაპზე საქართველოსთვის კანდიდატის სტატუსის მინიჭებაზე უარის თქმა ევროპული სტრუქტურების შეცდომა იყო
ქართული პრესის მიმოხილვა 30.06.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
თბილისში დავით ტატიშვილის სამედიცინო ცენტრის კიდევ ერთი ფილიალი გაიხსნა
„ვენდისსა“ და „დანკინში“ „დორას“ „მამალოები“ უკვე წარმატებით იყიდება