მიხეილ ჩხენკელმა ბავშვთა დაცვის საერთაშორისო დღე ნორჩ მოჭადრაკეებს პირადად მიულოცა

საქართველოს განათლებისა და მეცნიერების მინისტრი მიხეილ ჩხენკელი, ბავშვთა დაცვის საერთაშორისო დღესთან დაკავშირებით, თბილისის ნონა გაფრინდაშვილის სახელობის ჭადრაკის სასახლეს ეწვია, სადაც 8 და 12-წლამდე ასაკის მოჭადრაკეთა შორის საქართველოს პირველობა მიმდინარეობს. ინფორმაციას ამის შესახებ განათლებისა და მეცნიერების სამინისტრო ავრცელებს.

მათივე ცნობით, მინისტრმა ნორჩ მოჭადრაკეებს ბავშვთა დაცვის დღე პირადად მიულოცა და ჭადრაკის ფედერაციის პრეზიდენტ გია გიორგაძესთან ერთად, პირველი სიმბოლური სვლა გააკეთა.

დღესვე, მიხეილ ჩხენკელმა ევროპის სასკოლო ჩემპიონატის პრიზიორებს, კესარია მგელაძეს და გაბრიელ გაბადაძეს საერთაშორისო ასპარეზზე წარმატება მიულოცა და მათ სიმბოლური საჩუქრები გადასცა.

„მინისტრსა და მსოფლიო საჭადრაკო ოლიმპიადების 5-გზის გამარჯვებულ ნანა იოსელიანს შორის ამხანაგური ბლიც-პარტია გაიმართა.

როგორც ცნობილია, საქართველოს განათლებისა და მეცნიერების მინისტრის გადაწყვეტილებით, 2022-2023 სასწავლო წლიდან მოსწავლეები ჭადრაკს პირველ კლასში სავალდებულო საგნად შეისწავლიან. ამ სიახლესთან დაკავშირებული დეტალები დღეს მინისტრმა მსოფლიო საჭადრაკო ოლიმპიადების 5-გზის გამარჯვებულ ნანა იოსელიანთან, ქართული ჭადრაკის ლიდერ ნანა ძაგნიძესთან, საერთაშორისო საჭადრაკო ფედერაციის (FIDE) ვიცე-პრეზიდენტ აკაკი იაშვილთან და ჭადრაკის ფედერაციის პრეზიდენტ გია გიორგაძესთან ერთად კიდევ ერთხელ განიხილა. მათ მინისტრს ინიციატივისთვის გულითადი მადლობა გადაუხადეს და დაწყებით კლასებში ჭადრაკის შესწავლის მნიშვნელობას ხაზი გაუსვეს.

ჭადრაკის სასახლე 27 მაისიდან 4 ივნისის ჩათვლით, 8-12 წლამდე ასაკის მოჭადრაკეთა შორის საქართველოს პირველობას მასპინძლობს. ჩემპიონატი შვეიცარიული სისტემით 9 ტურად ტარდება და მასში საქართველოს თითქმის ყველა რეგიონის წარმომადგენელი 150-მდე ნორჩი მოჭადრაკე მონაწილეობს,“ - აღნიშნულია ინფორმაციაში.

ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
ქართული პრესის მიმოხილვა 27.06.2022
სოფიო გრაკალიშვილი - მომხმარებელს ვურჩევდი დეტალურად შეადაროს რამდენიმე სადაზღვევო კომპანიის პირობები და მხოლოდ ამის შემდეგ მიიღოს გადაწყვეტილება
კახა ოქრიაშვილი - ივანიშვილის ღარიბაშვილი ქართველი ხალხის 90%-ს დესტრუქციულ ძალას უწოდებს!
საერთაშორისო ფორვარდინგული კომპანია "ტეპკო" განცხადებას ავრცელებს
„მაგნიტის“ მეხუთე გათამაშებაში მოგებული 100 000 ლარი - რა გეგმები აქვს გამარჯვებულ ოჯახს
Bitnet – კრიპტო სტარტაპი, რომელმაც საერთაშორისო დაფინანსება მოიპოვა
დომუსის ახალი, მზიანი და ნათელი საცხოვრებელი კომპლექსი გაზაფხულის ქუჩაზე
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია