რატი იონათამიშვილი - როდესაც ვლაპარაკობთ ბავშვთა უფლებებზე, მნიშვნელოვანია განსაკუთრებული ფოკუსირება მოვახდინოთ შეზღუდული შესაძლებლობის მქონე ბავშვებზე

როდესაც ვლაპარაკობთ ბავშვთა უფლებებზე მნიშვნელოვანია, რომ განსაკუთრებული ფოკუსირება მოვახდინოთ შეზღუდული შესაძლებლობის მქონე ბავშვებზე და იმ მრავალფეროვნებაზე, რომელიც, პირველ რიგში, არსებობს ბავშვებში საჭიროებებიდან გამომდინარე და ეს ძალიან სწორია, ვინაიდან შეზღუდული შესაძლებლობის მქონე ბავშვები, ხშირ შემთხვევაში, ჯვარედინი დისკრიმინაციის საფრთხის ქვეშ დგანან" , - ამის შესახებ იურიდიულ საკითხთა კომიტეტის წევრმა, რატი იონათამიშვილმა პარლამენტში გამართულ ბავშვთა დაცვის საერთაშორისო დღისადმი მიძღვნილ ღონისძიებაზე განაცხადა.

მისი თქმით, პარლამენტის მიერ მიღებული ბავშვის უფლებათა კოდექსი და შეზღუდული შესაძლებლობის მქონე პირთა უფლებების შესახებ კანონი უმნიშვნელოვანესი დოკუმენტებია.

„ჩვენი გუნდის პასუხისმგებლიანი დამოკიდებულებით მივიღეთ ბავშვის უფლებათა კოდექსი, რომელიც თამამად შეიძლება ითქვას, რომ დღეს არაერთი ქვეყნისთვის არის სახელმძღვანელო ქრესტომათიული დოკუმენტი. ამ კოდექსთან ერთად მიღებული შეზღუდული შესაძლებლობის მქონე პირთა უფლებების შესახებ კანონი, ასევე უმნიშვნელოვანესი იყო თუნდაც შეზღუდული შესაძლებლობების მქონე ბავშვთა უფლებების თვალსაზრისით, რომლის მე-7 მუხლი ეხება შეზღუდული შესაძლებლობის მქონე ბავშვთა უფლებებს და იმ ვალდებულებებს, რომელსაც სახელმწიფო იღებს შეზღუდული შესაძლებლობების მქონე ბავშვთა წინაშე", - აღნიშნა რატი იონათამიშვილმა.

მისივე თქმით, ასევე შემოტანილი იქნა ახალი ადვოკატირების მექანიზმი - სპეციალური მოსარჩელის სტატუსი და დღეს უფლებადამცველები უკვე საკმაოდ აქტიურად და ეფექტურად იყენებენ ამ მექანიზმს.

რატი იონათამიშვილის განცხადებით, მნიშვნელოვანი პროგრესი არსებობს სოციალური რეაბილიტაციისა და ბავშვთა ზრუნვის პროგრამების მიმართულებით. მისი თქმით, შეზღუდული შესაძლებლობის მქონე ბავშვების ერთ-ერთი მთავარი ფუნდამენტური უფლება - უწყვეტი განათლების უფლებაა და 2020 წლის სტატისტიკური მონაცემების მიხედვით ეს საკითხი ერთ-ერთი მთავარი გამოწვევაა.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა