უკრაინის თავდაცვის მინისტრმა ალექსი რეზნიკოვმა ამერიკის შეერთებული შტატების პრეზიდენტს, ჯო ბაიდენს სამხედრო დახმარების სახით HIMARS-ის რაკეტების გაგზავნისთვის მადლობა საჯაროდ გადაუხადა.

„მოხარული ვიყავი უკრაინისთვის სამხედრო დახმარების მეთერთმეტე პაკეტში 6 ასოს დანახვის გამო - HIMARS, რომელსაც მთელი ქვეყანა ელოდა. ჩვენი თანამშრომლობა ძლიერია როგორც არასდროს, მადლობა!“- განაცხადა რეზნიკოვმა „ტვიტერის“ გვერდზე.

ცნობისთვის, ოთხშაბათს გაკეთებულ განცხადებაში ბაიდენმა ოფიციალურად გამოაცხადა აშშ-ს წარმოების მაღალი მობილურობის საარტილერიო სარაკეტო სისტემების (HIMARS) ჩართვის შესახებ უკრაინის დახმარების პაკეტში.