გიორგი ფანგანი - სემეკი მხარს უჭერს განახლებადი ენერგიების პოტენციალის ათვისებასა და მისი ეფექტიანი გამოყენების პოლიტიკას

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) წევრის, გიორგი ფანგანის განცხადებით, სემეკი განახლებადი ენერგიების პოტენციალის ათვისებასა და მისი ეფექტიანი გამოყენების პოლიტიკას მხარს უჭერს.

სემეკის მიერ გავრცელებული ინფორმაციით, განახლებადი ენერგიების საკითხზე გიორგი ფანგანმა „The Voice of Renewables"-ის ორგანიზებით გამართულ კონფერენციაზე ისაუბრა.

მათივე ცნობით, პანელურ დისკუსიაზე გიორგი ფანგანმა ყურადღება გაამახვილა მწვანე ენერგიის ადგილობრივი წარმოების ზრდის აუცილებლობაზე, სემეკის როლსა და იმ მარეგულირებელ ნორმებზე, რომლებიც ხელს უწყობს განახლებადი ენერგიების გამოყენებას საყოფაცხოვრებო სექტორშიც.

„ქვეყანაში ელექტროენერგიის მოხმარება ყოველწლიურად, საშუალოდ 4%-იანი ზრდის ტენდენციით ხასიათდება, რასაც ჩამორჩება ელექტროენერგიის ადგილობრივი წარმოების ზრდის მაჩვენებელი. იმისთვის, რომ არ მივიღოთ კიდევ უფრო მეტად გაზრდილი იმპორტი, აუცილებელია ადგილობრივი წარმოების განვითარება. ჩვენ უნდა შევძლოთ ელექტროენერგიის შიდა მოხმარების დაკმაყოფილება, ძირითადად, ადგილობრივი წარმოებით. წინააღმდეგ შემთხვევაში, ელექტროენერგიის იმპორტის კიდევ უფრო მატება ენერგოდამოუკიდებლობის იმ დონესაც კი, რაც დღეს გვაქვს, დიდი ხნით ჩამოგვაშორებს“, - განაცხადა გიორგი ფანგანმა დისკუსიისას.

The Voice of Renewables"-ის მიერ ორგანიზებული ორდღიანი კონფერენციის თემაა განახლებადი ენერგიები. გიორგი ფანგანთან ერთად სადისკუსიო პანელში მონაწილეობა მიიღეს საქართველოს პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარემ, დავით სონღულაშვილმა, ეკონომიკისა და მდგრადი განვითარების სამინისტროსა და საქართველოს ენერგეტიკული ბირჟის წარმომადგენლებმა.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა