მედიაგანათლებაზე CIU-ს და აშშ-ის საელჩოს ერთობლივი სალექციო კურსი დაიწყო

კავკასიის საერთაშორისო უნივერსიტეტმა და აშშ-ის საელჩომ საქართველოში, სახელმწიფო დეპარტამენტის მიერ დაფინანსებული მედიაგანათლების პროექტის "საერთაშორისო გამოცდილება ქართული მედიაგანათლებისთვის" განსახორციელებლად ლექციების კურსი დაიწყო, რომელიც ორი კვირის განმავლობაში გრძელდება.

კავკასიის საერთაშორისო უნივერსიტეტის მიერ გავრცელებული ინფორმაციით, პროექტი CIU-ს და რეგიონული უნივერსიტეტების სტუდენტებისთვისაა განკუთვნილი.

მათივე ცნობით, პროექტის თემატიკაა: რეგიონული მედიის კონტენტის თავისებურება და მისი წარმოება (რა პროცენტული მაჩვენებლით უნდა იყოს კონტენტი ადგილობრივი ამბებით გაჯერებული; რა სახის ადგილობრივი კონტენტი უნდა წარმოებდეს მაყურებლის მოსაზიდად; ჟურნალისტიკის ახალი ჟანრები და ფორმები; ლონგრიდი, სთორითელიგი, პოდკასტი, მათი წარმოება და სპეციფიკა);

სამუშაო პროცესის დაგეგმარება და თანამედროვე ნიუსრუმის მუშაობის პრინციპები რეგიონული მედიის თავისებურების გათვალისწინებით (ლოკალური მედიასტაფი ხშირად მცირერიცხოვანი ჯგუფისგან შედგება. როგორ ხდება ამ პირობებში მოვალეობების გადანაწილება და დაგეგმარება; როგორ მუშაობს თანამედროვე ნიუსრუმი და როგორ მუშაობს ის რეგიონულ პირობებში; როგორია აუდიტორიასთან მუშაობის სპეციფიკა ასაკობრივი ჯგუფის გათვალისწინებით);

მედიაკონტენტის ქსელებში განთავსების მნიშვნელობა სოციალურ მედიაში (სოციალური მედიის შესაძლებლობები და ინოვაციური როლი ცნობადობის ამაღლებაში; კონტენტის წარმოების მნიშვნელობა; კონტენტის ძირითადი სახეობების კლასიფიკაცია და მათი სწორი გადანაწილება ქსელში);

სოციალურ ქსელში აუდიტორიის მოზიდვის ხერხები და ტექნოლოგიები (სამიზნე აუდიტორიის გათვალისწინების მნიშვნელობა კონტენტის სხვადასხვა პლატფორმაზე განთავსებისთვის; მედიაკონტენტის პოპულარიზაციის შესაძლებლობები სოციალურ ქსელებში; საქართველოში პოპულარული ვებ-გვერდების (Facebook, Instagram) მუშაობის სპეციფიკა; რა ხერხები არსებობს აუდიტორიის ჩართულობის გასაზრდელად)“, - აღნიშნულია გავრცელებულ ინფორმაციაში.

კავკასიის საერთაშორისო უნივერსიტეტი პროექტის სპიკერების შესახებ ინფორმაციასაც ავრცელებს.

„კევინ ლაითფუტი - ახალი ამბების დირექტორის თანაშემწე WCBS-TV - CBS-TV ნიუ იორკი. აქვს თითქმის 20 წლიანი ჟურნალისტისა და საინფორმაციო სამსახურის ლიდერის გამოცდილება. გახლდათ KTRK-ის აღმასრულებელი პროდიუსერი, ABC-TV (ჰიუსტონი), სადაც ხელმძღვანელობდა რამდენიმე ყველაზე რეიტინგულ საინფორმაციო გამოშვებას ბოლო ოთხი წლის განმავლობაში. მუშაობდა აგრეთვე აღმასრულებელ პროდიუსერად WESH-ში ორლანდოში და WAPT-ში ჯექსონში (მისისიპი). გახლავთ Emmy-ს პრიზიორი. კევინი იყო სკოლის NABJ-ის განყოფილების აღმასრულებელი საბჭოს წევრი. მას შემდეგ ის მსახურობდა NABJ-ის ჯექსონის, მისისიპის განყოფილების პრეზიდენტად, ბოლო დროს კი ჰიუსტონის განყოფილების ვიცე-პრეზიდენტად. კევინი აწარმოებდა NABJ-ის Salute to Excellence Awards შოუს სამი წლის განმავლობაში;

დებრა ალფარონი - სატელევიზიო ახალი ამბების კორესპონდენტი/წამყვანი CBS News-სა და Newspath-ში, მთავარი მომხსენებელი და მედია ტრენერი Debra Alfarone Media-ში. გახლავთ ედვარდ რ. მიუროუ და Emmy-ს ჯილდოს მფლობელი;

სკოტ დოლი - Emmy-ს ჯილდოს მფლობელი ჟურნალისტი, სატელევიზიო ამბებში მუშაობის 14 წლიანი გამოცდილებით, მათ შორის, როგორც აღმასრულებელი პროდიუსერი (ჩიკაგოს) Tribune Broadcasting-ში, FOX News-სა და TalkLab-ში და როგორც მწერალი და პროდიუსერი NBC5-TV-ში ჩიკაგოში;

ადრიენ ბალოუ - მუშაობს როგორც ჟურნალისტი და პროდიუსერი ყველა ახალი ამბების საინფორმაციო გამოშვებაზე ჩიკაგოს წამყვან მედიებში. მან მოიპოვა მრავალი ემის ნომინაცია და იყო ემის WGN Morning News გამარჯვებული დიდი ხნის მანძილზე. ის არის საინფორმაციო სამსახურის მენეჯერი და უფროსი თანამშრომელი. ადრიენი ასევე მუშაობდა WFLD-TV-სა და CLTV-ში ჩიკაგოში და WPTV-TV-ში დასავლეთ პალმ ბიჩში (ფლორიდა). მან დაიწყო თავისი კარიერა WPTV-ში, როგორც დილის შოუს პროდიუსერმა. შექმნა და მრავალი წლის განმავლობაში მართავდა NBC Morning News-ს“, - აღნიშნულია უნივერსიტეტის მიერ გავრცელებულ ინფორმაციაში.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
გიორგი კაჭარავა - ევროკავშირის გრძელვადიანი სტრატეგიული ინტერესების გათვალისწინებით, ამ ეტაპზე საქართველოსთვის კანდიდატის სტატუსის მინიჭებაზე უარის თქმა ევროპული სტრუქტურების შეცდომა იყო
ქართული პრესის მიმოხილვა 30.06.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
კახა ოქრიაშვილი - "ღალატის პარტიას" არ სურს, საქართველო გახდეს ევროკავშირის წევრი ქვეყანა
დავით ზილფიმიანი მიმართვას ავრცელებს
PSP წლის ორი უმნიშვნელოვანესი ბიზნესდაჯილდოების - „ოქროს ბრენდი 2021“ და „ეროვნული ბიზნეს რეიტინგი XXII“-ის გამარჯვებულია
„წისქვილი მცხეთაში“ – „წისქვილი ჯგუფის“ სარესტორნო ქსელს დღეიდან კიდევ ერთი გამორჩეული რესტორანი ემატება
„იმპექსში“ ყოველკვირეული, უპრეცედენტო შეთავაზებები იწყება
ახალი ლიბერთი ახალი ცხოვრებისათვის - ლიბერთის და “ტელეკლინიკა - MyDoc“-ის ჯანმრთელობის ხელმისაწვდომობის პროგრამა
„აპარტ დეველოპმენტმა“ ახალი გაყიდვების ოფისი გახსნა
თბილისში დავით ტატიშვილის სამედიცინო ცენტრის კიდევ ერთი ფილიალი გაიხსნა
„ვენდისსა“ და „დანკინში“ „დორას“ „მამალოები“ უკვე წარმატებით იყიდება