პროფკავშირებისა და სასწრაფო სამედიცინო დახმარების თანამშრომლების მორიგი აქცია 7 ივნისს გაიმართება

პროფკავშირების გაერთიანებაში სასწრაფო სამედიცინო დახმარების თანამშრომლებსა და პროფკავშირების წარმომადგენლებს შორის შეხვედრა შედგა.

პროფკავშირების ინფორმაციით, შეთანხმების შედეგად გადაწყდა, რომ - პროფკავშირებისა და სასწრაფო სამედიცინო დახმარების თანამშრომლების მორიგი აქცია 7 ივნისს, 12:00 საათზე, საგანგებო სიტუაციების კოორდინაციისა და გადაუდებელი დახმარების ცენტრის ადმინისტრაციულ შენობასთან დაიწყება და მსვლელობით ჯანდაცვის სამინისტრომდე გაგრძელდება. ექიმებისა და მძღოლების ერთადერთი მოთხოვნა სახელფასო ანაზღაურების ზრდაა.

„ექიმები და მძღოლები ითხოვენ სახელფასო ანაზღაურების 100 პროცენტით ზრდას. ისინი ყოველდღიურად სიცოცხლის რისკის ფასად მუშაობენ და მათი შრომითი უფლებები დაცული და დაფასებული უნდა იყოს. პროფკავშირების გაერთიანება და მედიცინის პროფკავშირი მზად ვართ, კანონის ფარგლებში ყველანაირი, მათ შორის ფიზიკური და იურიდიული დახმარება გავუწიოთ მედპერსონალს“ - განაცხადა პროფკავშირების გაერთიანების თავმჯდომარის მოადგილემ, ლავრენტი ალანიამ.

მათივე ცნობით, სამინისტროსთან მისული აქციის მონაწილეებისა და პროფკავშირების გაერთიანების საინიციატივო ჯგუფი სამინისტროს წარმომადგენლებთან შეხვედრას მოითხოვენ. შესაბამისი მოთხოვნის წერილი პროფკავშირების გაერთიანების იურისტმა მედიცინის პროფკავშირის ხელმძღვანელთან, ირაკლი ამირანაშვილთან ერთად უკვე შეადგინა და სამინისტროს დღესვე გადაეგზავნება.

ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
ქართული პრესის მიმოხილვა 27.06.2022
გოგა მელიქიძე - საპენსიო ფონდი მნიშვნელოვან ზრდას განაგრძობს
"არქი" ოქროს ბრენდის გამარჯვებული გახდა
ისტორიული დღე ვატიკანში - პირველად, სიქსტის კაპელაში, ქართული გალობა გაისმა
კახა ოქრიაშვილი - ივანიშვილის ღარიბაშვილი ქართველი ხალხის 90%-ს დესტრუქციულ ძალას უწოდებს!
საერთაშორისო ფორვარდინგული კომპანია "ტეპკო" განცხადებას ავრცელებს
„მაგნიტის“ მეხუთე გათამაშებაში მოგებული 100 000 ლარი - რა გეგმები აქვს გამარჯვებულ ოჯახს
Bitnet – კრიპტო სტარტაპი, რომელმაც საერთაშორისო დაფინანსება მოიპოვა
დომუსის ახალი, მზიანი და ნათელი საცხოვრებელი კომპლექსი გაზაფხულის ქუჩაზე
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია