გიული ალასანია - მიხეილ სააკაშვილი საკმაოდ სუსტად არის, მუდმივად მაქვს შიში, რომ ადამიანი გელაპარაკება და უცებ შეიძლება დაეცეს

საქართველოს მესამე პრეზიდენტის მიხეილ სააკაშვილის დედის, გიული ალასანიას განცხადებით, სააკაშვილი თავს სუსტად გრძნობს. როგორც მან კლინიკა „ვივამედში" მისი მონახულების შემდეგ ჟურნალისტებს განუცხადა, სააკაშვილის საზღვარგარეთ გადაყვანა აუცილებელია.

„საკმაოდ სუსტად არის, მუდმივად მაქვს შიში, რომ შეიძლება ადამიანი გელაპარაკება და უცებ შეიძლება დაეცეს. ამიტომ, ძალიან მეშინია ამ პროცესის, ძალიან სწრაფად უნდა მოხდეს სწორედ საზღვარგარეთ გადაყვანა", - განაცხადა ალასანიამ.

რაც შეეხება დამატებითი ექსპერტიზის დანიშვნის საკითხს, გიული ალასანიას თქმით, ყველა ექსპერტი თითქმის ერთი და იმავეს აღნიშნავდა.

„არ ვიცი რას დაწერს ექსპერტიზა, ჯერჯერობით რაც დაწერეს და ძალიან ბევრმა ექიმმა გასინჯა, დაახლოებით ერთი და იმავეს წერდნენ, მომავალში რა იქნება არ ვიცი, მაგრამ მომავალი უნდა იყოს ხვალ, ზეგ იმიტომ, რომ ამის გადადება აღარ შეიძლება, თუ უნდათ, რომ ადამიანმა იცოცხლოს და გადაარჩინონ, მაშინ ეს პროცესი ძალიან უნდა დაჩქარდეს",-აცხადებს ალასანია.

ამასთან, მან პრეზიდენტ სალომე ზურაბიშვილის განცხადებები შეაფასა და არ გამორიცხა, რომ ხელისუფლებამ მიხეილ სააკაშვილის საზღვარგარეთ გადაყვანის საკითხზე პოზიცია შეიცვალოს. „არ არის გამორიცხული, ვფიქრობ, ეს ასეც უნდა მოხდეს",-განაცხადა ალასანიამ.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
გიორგი კაჭარავა - ევროკავშირის გრძელვადიანი სტრატეგიული ინტერესების გათვალისწინებით, ამ ეტაპზე საქართველოსთვის კანდიდატის სტატუსის მინიჭებაზე უარის თქმა ევროპული სტრუქტურების შეცდომა იყო
ქართული პრესის მიმოხილვა 30.06.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
თბილისში დავით ტატიშვილის სამედიცინო ცენტრის კიდევ ერთი ფილიალი გაიხსნა
„ვენდისსა“ და „დანკინში“ „დორას“ „მამალოები“ უკვე წარმატებით იყიდება