ეკონომიკური დიპლომატიის სფეროში განხორციელებული პროექტის შემაჯამებელი ღონისძიება გაიმართა

საქართველოს საგარეო საქმეთა სამინისტროსა და ევროპის რეკონსტრუქციისა და განვითარების ბანკის (EBRD) ორგანიზებით, საქართველოს ცერემონიების სასახლეში EBRD-ის, ევროკავშირისა და სსიპ „აწარმოე საქართველოში" მხარდაჭერით ეკონომიკური დიპლომატიის სფეროში განხორციელებული პროექტის შემაჯამებელი ღონისძიება გაიმართა. ამის შესახებ ინფორმაციას საგარეო საქმეთა სამინისტრო ავრცელებს.

მათივე ინფორმაციით, პროექტის ფარგლებში, ბრიტანული ორგანიზაცია - საპარლამენტო კვლევების საერთაშორისო ცენტრის (ICPS) ექსპერტებმა უცხოური ინვესტიციების მოზიდვასა და ვაჭრობის ხელშეწყობის სფეროში ტრენინგი ჩაუტარეს 60-ზე მეტ დიპლომატს.

დამსწრე საზოგადოებას მისასალმებელი სიტყვით მიმართეს საქართველოს საგარეო საქმეთა მინისტრის მოადგილემ ალექსანდრე ხვთისიაშვილმა, საქართველოს ეკონომიკისა და მდგრადი განვითარების მინისტრის მოადგილემ ირაკლი ნადარეიშვილმა, საქართველოში EBRD-ის რეგიონალური ოფისის ხელმძღვანელმა კატარინა ბიორლინ ჰანსენმა და საქართველოში ევროკავშირის მისიის ხელმძღვანელის მოადგილემ ასუნსიონ სანჩეზ რუიზმა.

,,ეკონომიკური დიპლომატიის გამოწვევებისა და პრიორიტეტების შესახებ პრეზენტაციები წარმოადგინეს სსიპ „აწარმოე საქართველოში" დირექტორმა მიხეილ ხიდურელმა, საქართველოს საგარეო საქმეთა სამინისტროს საერთაშორისო ეკონომიკური ურთიერთობების დეპარტამენტის დირექტორმა ნოშრევან ლომთათიძემ და ICPS-ის აღმასრულებელმა დირექტორმა ტრეისი დრევეტმა.

ასევე გაიმართა დისკუსია თემაზე: Harnessing Shifting Value Chains for Georgia: the Role of Economic Diplomacy , რომელშიც მონაწილეობდნენ როგორც სხვადასხვა უწყებების, ისე კერძო კომპანიების წარმომადგენლები. დისკუსიას მოდერაციას უწევდა საქართველოში ამერიკის სავაჭრო პალატის (AMCHAM) აღმასრულებელი დირექტორი, დოქტორი ჯორჯ ველტონი.

ღონისძიებაში მონაწილეობა მიიღეს საქართველოს სამინისტროების, საერთაშორისო ორგანიზაციებისა და საქართველოში აკრედიტებული უცხო ქვეყნის საელჩოების ხელმძღვანელმა პირებმა“, - ნათქვამია ინფორმაციაში.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
ქართული პრესის მიმოხილვა 30.06.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
თბილისში დავით ტატიშვილის სამედიცინო ცენტრის კიდევ ერთი ფილიალი გაიხსნა
„ვენდისსა“ და „დანკინში“ „დორას“ „მამალოები“ უკვე წარმატებით იყიდება
კახა ოქრიაშვილი - „ყაველაშვილის ტრიო“ მომავალში მრავალი პოლიტიკური ტრიუკისთვის იქნება გამოყენებული
„ფოთის ახალ საზღვაო ნავსადგურში“ დოკერისა და მძღოლ-ოპერატორების კურსებზე პრაქტიკულ სწავლებას 40-ზე მეტი პირი გადის
„ონისი“ - 3 მეგობრის მიერ დაწყებული გემრიელი ბიზნესი
კარდიოასმაგნე - გულ-სისხლძარღვთა დაავადებების პრევენცია და მკურნალობა
„ლიბერთი“ მასწავლებელთა პოპულარიზაციის გლობალურ კამპანიას უჭერს მხარს
მელიქიშვილის 10 ნომერში სასტუმრო ”რამადა თბილისი” გაიხსნა
სს „ლიბერთი ბანკის“ გენერალურ დირექტორად ბექა გოგიჩაიშვილი დაინიშნა