ბიზნესისა და ტექნოლოგიების უნივერსიტეტში ვორქშოპი “სტარტაპების დაფინანსება საქართველოში: როგორ მოვიძიოთ ფული ჩვენი ბიზნესისთვის” გაიმართება

ბიზნესისა და ტექნოლოგიების უნივერსიტეტში აქსელერატორი - „Founder Institute Georgia“ ვორკშოპს სახელწოდებით “სტარტაპების დაფინანსება საქართველოში: როგორ მოვიძიოთ ფული ჩვენი ბიზნესისთვის” გამართავს.

ამის შესახებ ინფორმაციას ბიზნესისა და ტექნოლოგიების უნივერსიტეტი ავრცელებს.

ვორქშოპი 7 ივნისს, 19:00 საათზე დაიწყება.

მათივე ინფორმაციით, ღონისძიებაზე მონაწილეები მიიღებენ პრაქტიკულ რჩევებს სტარტაპის ფანდრაიზინგის მიმართულებით, მოუსმენენ მეწარმეებს, რომელთაც წარმატებით მოიძიეს დაფინანსება თავიანთი სტარტაპებისთვის და შეხვდებიან ინვესტორებს, რომლებიც აქტიურად აფინანსებენ სტარტაპებს საქართველოში.

ვორკშოპი დაფარავს ისეთ თემებს, როგორებიცაა: რა ძირითადი მეტრიკები და წინაპირობები არსებობს დაფინანსების მოსაზიდად, როგორ გავხადოთ საკუთარი თავი ინვესტორებისთვის უფრო მიმზიდველი, როგორ ვიპოვოთ და ვიმუშაოთ კაპიტალის სხვადასხვა წყაროსთან და ა.შ.

შეხვედრაში მონაწილეობა უფასოა და ღიაა ყველასთვის, ვისაც საკუთარი სტარტაპისთვის დაფინანსების მოზიდვა სურს ან უბრალოდ უნდა, უკეთ გაერკვეს ადრეულ ეტაპზე მყოფი ბიზნესებისა და პროდუქტების ფანდრაიზინგში.

ღონისძიების სპიკერები არიან: დაჩი ჭოლაძე Pulsar AI-ის თანადამფუძნებელი,

ანა რობაქიძე Theneo-ს თანადამფუძნებელი და აღმასრულებელი დირექტორი

გური ქოიავა, აქსელის (საქართველოს ანგელოზ ინვესტორთა ქსელის) თანადამფუძნებელი ირაკლი ვეკუა, აქსელის წევრი დიმიტრი ქუმსიშვილი, Kedari Ventures დაწყებითი ბიზნესის და ინოვაციების საინვესტიციო ფონდის მმართველი პარტნიორი.

მონაწილეობისთვის აუცილებელია წინასწარი რეგისტრაცია. Facebook Event

ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
ქართული პრესის მიმოხილვა 27.06.2022
სოფიო გრაკალიშვილი - მომხმარებელს ვურჩევდი დეტალურად შეადაროს რამდენიმე სადაზღვევო კომპანიის პირობები და მხოლოდ ამის შემდეგ მიიღოს გადაწყვეტილება
კახა ოქრიაშვილი - ივანიშვილის ღარიბაშვილი ქართველი ხალხის 90%-ს დესტრუქციულ ძალას უწოდებს!
საერთაშორისო ფორვარდინგული კომპანია "ტეპკო" განცხადებას ავრცელებს
„მაგნიტის“ მეხუთე გათამაშებაში მოგებული 100 000 ლარი - რა გეგმები აქვს გამარჯვებულ ოჯახს
Bitnet – კრიპტო სტარტაპი, რომელმაც საერთაშორისო დაფინანსება მოიპოვა
დომუსის ახალი, მზიანი და ნათელი საცხოვრებელი კომპლექსი გაზაფხულის ქუჩაზე
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია