გარემოს დაცვის მსოფლიო დღეს „ვოლვო ქარ საქართველომ“ მინი შოურუმი წარადგინა

5 ივნისს, გარემოს დაცვის მსოფლიო დღის აღსანიშნად „ვოლვო ქარ საქართველომ“ ღონისძიება გამართა. ამის შესახებ ინფორმაციას კომპანია „თეგეტა“ ავრცელებს.

როგორც „თეგეტაში“ განმარტავენ, შეხვედრის მთავარი მიზანი გარემოს დაცვასა და პლანეტაზე ზრუნვის შესახებ ცნობადობის ამაღლება იყო. შვედური ბრენდისთვის მდგრადი განვითარება ერთ-ერთი მთავარი პრიორიტეტია.

შეხვედრაზე „ვოლვოს“ ახალი მინი შოურუმის პრეზენტაცია გაიმართა. „ღვინის ქარხანაში“ „ვოლვოს“ მინის კუბში სტუმრებმა ქროსოვერი XC90 Plug-in ჰიბრიდი იხილეს.

როგორც „ვოლვო ქარ კავკასიის“ დირექტორი გაგა კოხრეიძე აღნიშნავს, „ვოლვოს“ გლობალური გეგმაა, 2040 წლისთვის სრულად კლიმატნეიტრალურები გახდნენ.

„ვოლვოს“, როგორც ლიდერს უსაფრთხოების საკითხებში, მიაჩნია, რომ ყველაზე დიდი გამოწვევა ჩვენს პლანეტასა და გარემოზე ზრუნვაა. გვაქვს ამბიცია, ვიყოთ მდგრადი საავტომობილო ბრენდი და მინიმალური ზიანი მივაყენოთ გარემოს. „ვოლვოს“ გლობალური გეგმაა, 2040 წლისთვის სრულად კლიმატნეიტრალურები გავხდეთ. ამისთვის ძალიან დიდი გზაა გასავლელი და გვესმის, რომ საჭიროა, ცვლილებები მოხდეს მთელ მიწოდების ჯაჭვში. ჩვენ, როგორც საქართველოში, ისე რეგიონში, მაქსიმალურად ვცდილობთ ფლაგინ ჰიბრიდების პოპულარიზაციას და მიხარია, რომ გაყიდვების დიდი წილი სწორედ ამ ეკომეგობრულ ავტომობილებზე მოდის“, - აღნიშნავს კოხრეიძე.

გარემოს დაცვის საერთაშორისო დღისადმი მიძღვნილი ღონისძიების მთავარი მედიამხარდამჭერი National Geographic Magazine - საქართველო იყო. შეხვედრაზე ჟურნალის ივნისის ნომრის პრეზენტაცია გაიმართა, რომელიც კლიმატის ცვლილებებს ეხება.

როგორც National Geographic Magazine - საქართველოს მთავარი რედაქტორი, ნათია ხულუზაური აღნიშნავს, National Geographic-ი ხშირად წერს გარემოსდაცვით საკითხებზე და მკითხველს პრობლემების გადაჭრის გზებს სთავაზობს.

„სასიცოცხლოდ მნიშვნელოვანია, კარგად ვიცოდეთ იმ საფრთხეების შესახებ, რომელთა წინაშეც ჩვენი პლანეტა დგას და გავიაზროთ, რომ თითოეულ ჩვენგანს შეგვიძლია სასიკეთო ცვლილებების მოხდენა“,- აღნიშნავს ნათია ხულუზაური.

კომპანიის ცნობით, ღონისძიების დასასრულს, ეროვნული სატყეო სააგენტოს უფროსის მოადგილემ გარემოს გლობალურ საფრთხეებსა და ლოკალურ გამოწვევებზე მოკლე მოხსენება წაიკითხა და ყურადღება გარემოსდაცვით აქტივობებზე გაამახვილა.

როგორც ეროვნული სატყეო სააგენტოს უფროსის მოადგილე ნათია იორდანიშვილი განმარტავს, გარემოს დაცვის მსოფლიო დღის 2022 წლის სლოგანია „მხოლოდ ერთი დედამიწა“.

„მთავარი მიზანია, საზოგადოებას კიდევ ერთხელ შევახსენოთ, რამდენად მნიშვნელოვანია ბუნებასთან ჰარმონიაში ცხოვრება და ის, რომ ჩვენ გვაქვს ასეთ ცხოვრების წესზე გადასვლის შესაძლებლობა. მთავარია გვახსოვდეს, რომ ხშირ შემთხვევაში გარემოს აღდგენაზე გაწეული ხარჯები გაცილებით მეტია იმ ეკონომიკური საქმიანობიდან მიღებულ შემოსავალზე, რომლის შედეგადაც მოხდა გარემოს დეგრადაცია. უნდა გვჯეროდეს, რომ ჩვენ ჯერ კიდევ გვაქვს სწორი არჩევანის გაკეთების საშუალება“,- აღნიშნავს იორდანიშვილი.

„თეგეტას“ ცნობით, ღონისძიებას 100-მდე სტუმარი ესწრებოდა, ღია სივრცეში გამოფენილი იყო შვედური ბრენდის საიმიჯო ფოტოები და ფრაზები "ვოლვოს" სამომავლო გეგმების შესახებ. სტუმრებს საშუალება ჰქონდათ "ვოლვოს" ახალი, SUV XC60 Plug-in ჰიბრიდი და სრულად ელექტრიფიცირებული XC40 ტესტდრაივზე გამოეცადათ.

„თეგეტა ჰოლდინგში“ შემავალი კომპანია „ვოლვო ქარ საქართველო“ 2019 წლიდან ოპერირებს საქართველოს ბაზარზე. ამიერკავკასიისა და შუა აზიის მასშტაბით კომპანია პრემიუმ კლასის ავტომობილების ექსკლუზიური დილერია. „ვოლვო ქარ საქართველო“ მომხმარებელს SUV-ებს, სედანებსა და უნივერსალებს სთავაზობს, მათ შორის არის როგორც დამუხტვადი ჰიბრიდები, ისე შიგაწვის ძრავიანი უახლესი მოდელები. შოურუმის გარდა, მომხმარებელს შესაძლებლობა აქვს, კომპანიის ციფრული მაღაზიით ისარგებლოს, კომპანიის ვებგვერდზე ავტომობილი 360-გრადუსიანი სისტემით, დისტანციურად შეაფასოს და კონფიგურატორის დახმარებით, სასურველი კომპლექტაციის მოდელი საკუთარი გემოვნებით ააწყოს, რომლის ჩამოყვანასაც „ვოლვო ქარ საქართველო“ უზრუნველყოფს“,- აღნიშნულია გავრცელებულ ინფორმაციაში.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა