დასავლეთ საქართველოში ფაროსანას საწინააღმდეგო ღონისძიებები მიმდინარეობს - „ცივი შესხურების“ ტექნოლოგიის გამოყენებით, 4785,5 ჰექტარი ფართობი უკვე დამუშავებულია

გარემოს დაცვისა და სოფლის მეურნეობის მინისტრის პირველი მოადგილე გიორგი ხანიშვილი დასავლეთ საქართველოში აზიური ფაროსანას საწინააღმდეგო ღონისძიებების მიმდინარეობას გაეცნო. ინფორმაციას ამის შესახებ სურსათის ეროვნული სააგენტო ავრცელებს.

მათივე ცნობით, გიორგი ხანიშვილი სურსათის ეროვნული სააგენტოს უფროსთან, ზურაბ ჩეკურაშვილთან ერთად, ფაროსანასთან ბრძოლის საკოორდინაციო მართვის ცენტრის თანამშრომლებს შეხვდა და დღეისათვის არსებული ვითარების შესახებ ინფორმაცია მოისმინა.

„ფაროსანასთან რამდენიმეწლიანი ბრძოლის შედეგი სახეზეა - სახელმწიფოსა და ფერმერების ერთობლივი მუშაობით სირთულეები დაძლეულია. ბრძოლის ღონისძიებები მიმდინარე წელსაც გაწერილი გეგმის მიხედვით განხორციელდება. მავნებლის მონიტორინგის, კონტროლისა და მოსახლეობის ინფორმირების მიზნით, მობილიზებულია ყველა ტექნიკური საშუალება. ღონისძიებები ყოველდღიურად, 24-საათიან რეჟიმში ტარდება. ფაროსანას გავრცელების გეოგრაფიული არეალი არ გაზრდილა. შესაბამისად, კონტროლის და ბრძოლის ღონისძიებები კვლავ დასავლეთ საქართველოს რეგიონებში ტარდება”, - განაცხადა გიორგი ხანიშვილმა.

„მავნებლის რიცხოვნობის განსაზღვრის მიზნით, გურიისა და სამეგრელოს რეგიონებში მონიტორინგი 31 სოფლის 731 საკარმიდამო ნაკვეთში განხორციელდა, რაც ფაროსანას გავრცელების დროული პრევენციის წინაპირობაა. ამ ეტაპზე ქვეყნის მთელ ტერიტორიაზე 18 526 ფერომონი (დამჭერი) და სპეციალური სადგურია განთავსებული.

დღეისათვის „ცივი შესხურების“ ტექნოლოგიის გამოყენებით 4785,5 ჰექტარი ფართობი უკვე დამუშავებულია.

საკოორდინაციო მართვის ცენტრი ადგილობრივი ხელისუფლების წარმომადგენლებთან აქტიურად თანამშრომლობს. მეფუტკრეებთან და მეთხილე ფერმერებთან შეხვედრები მუდმივ რეჟიმში იმართება.

ღონისძიებების შესახებ დეტალური ინფორმაციის მიღება შესაძლებელია ვებგვერდზე - www.parosana.ge,“ - აღნიშნულია ინფორმაციაში.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა