კომპანია „ბორჯომი“ საწარმოსთან მომხდარ დაპირისპირებასთან დაკავშირებით ინფორმაციას ავრცელებს

კომპანია „ბორჯომი“ საწარმოსთან მომხდარ დაპირისპირებასთან დაკავშირებით ინფორმაციას ავრცელებს.

კომპანიაში აცხადებენ, რომ პროტესტის მონაწილეების მხრიდან აგრესიული ქმედებები და იმ თანამშრომლების მიმართ ზეწოლა, ვინც ქარხანაში მუშაობას განაგრძობს, კატეგორიულად მიუღებელია. მათივე განცხადებით, ინფორმაცია, რომ „ბორჯომი“ უცხო ქვეყნის მოქალაქეების დასაქმებას ახორციელებს, საფუძველს მოკლებულია, ასევე დეზინფორმაციაა, თითქოს პოლიციამ აქცია დაშალა.

„ვითარება ადგილზე ამ მომენტისთვის შედარებით მშვიდია, თუმცა პროტესტის მონაწილეების მხრიდან დილით განხორციელებული აგრესია გაუგებარია. პროტესტის მონაწილეების მხრიდან აგრესიული ქმედებები და იმ თანამშრომლების მიმართ ზეწოლა, ვინც ქარხანაში შემოდის და მუშაობას განაგრძობს, კატეგორიულად მიუღებელია.

როგორც უკვე არაერთხელ განვმარტეთ, ჩვენ მინიმალური წარმოება გვაქვს, ძირითადად ქართული ბაზრის პროდუქციით უზრუნველყოფის მიზნით. ძალიან სამწუხაროა, რომ იმ ვითარებაში, როდესაც გუშინ მედიაციის პროცესი დაიწყო, პროტესტის მონაწილეები აგრესიას და დეზინფორმაციის გავრცელებას განაგრძობენ.

კიდევ ერთხელ განვმარტავთ, რომ ყველანაირ საფუძველს მოკლებულია ინფორმაცია, თითქოს კომპანია „IDS ბორჯომი საქართველო“ უცხო ქვეყნის მოქალაქეების დასაქმებას ახორციელებს. ასევე დეზინფორმაციაა, თითქოს პოლიციამ აქცია დაშალა.

პოლიცია საკუთარი უფლებამოსილების ფარგლებში, სიტუაციის განმუხტვის მიზნით მოქმედებდა. კიდევ ერთხელ ვაცხადებთ, რომ ჩვენ მედიაციის პროცესს მივესალმებით, რომლის მიზანიც ვითარების ნორმალიზება და კონსტრუქციულ ჭრილში გადატანაა“, - აცხადებენ კომპანია IDS ბორჯომი საქართველოს საზოგადოებასთან ურთიერთობის სამსახურში.

შეგახსენებთ, „ბორჯომის“ ქარხნის მიმდებარე ტერიტორიაზე, სადაც თანამშრომლების გაფიცვა გრძელდება, დილის საათებში სიტუაცია რამდენჯერმე დაიძაბა. კერძოდ, აქციის მონაწილეები ავტობუსს, რომელიც ქარხნის ტერიტორიიდან გამოდიოდა, წინ გადაუდგნენ და გავლის საშუალებას არ აძლევდნენ. გზის გათავისუფლებაში ადგილზე მობილიზებული პოლიციის ჩართვა გახდა საჭირო, რასაც სამართალდამცავებსა და აქციის მონაწილეებს შორის დაპირისპირება მოჰყვა.

ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
ქართული პრესის მიმოხილვა 30.06.2022
გოგა მელიქიძე - საპენსიო ფონდი მნიშვნელოვან ზრდას განაგრძობს
კახა ოქრიაშვილი - „ყაველაშვილის ტრიო“ მომავალში მრავალი პოლიტიკური ტრიუკისთვის იქნება გამოყენებული
„ფოთის ახალ საზღვაო ნავსადგურში“ დოკერისა და მძღოლ-ოპერატორების კურსებზე პრაქტიკულ სწავლებას 40-ზე მეტი პირი გადის
„ონისი“ - 3 მეგობრის მიერ დაწყებული გემრიელი ბიზნესი
კარდიოასმაგნე - გულ-სისხლძარღვთა დაავადებების პრევენცია და მკურნალობა
„ლიბერთი“ მასწავლებელთა პოპულარიზაციის გლობალურ კამპანიას უჭერს მხარს
მელიქიშვილის 10 ნომერში სასტუმრო ”რამადა თბილისი” გაიხსნა
სს „ლიბერთი ბანკის“ გენერალურ დირექტორად ბექა გოგიჩაიშვილი დაინიშნა
"არქი" ოქროს ბრენდის გამარჯვებული გახდა
ისტორიული დღე ვატიკანში - პირველად, სიქსტის კაპელაში, ქართული გალობა გაისმა