თსუ - თბილისის სახელმწიფო უნივერსიტეტი EUA-ის აკრედიტაციის მოლოდინშია

თსუ არის ერთადერთი უნივერსიტეტი რეგიონში, რომელიც საერთაშორისო აკრედიტაციას გადის. ევროპის უნივერსიტეტთა ასოციაციის ექსპერტ-შემფასებლების მეორე ვიზიტი თსუ-ში უახლოეს დღეებში იგეგმება, - ამის შესახებ ინფორმაციას თბილისის სახელმწიფო უნივერსიტეტი ავრცელებს.

მათივე ცნობით, ინსტიტუციური შეფასების პროგრამა უკვე 27 წელია არსებობს და მსოფლიოს 50 ქვეყანაში 430 უნივერსიტეტი აქვს შეფასებული.

ინსტიტუციური შეფასების პროგრამა დარეგისტრირებულია უმაღლესი განათლების ხარისხის განვითარების დამოუკიდებელი სააგენტოების ევროპული რეესტრში (EQAR) და არის უმაღლესი განათლების ხარისხის უზრუნველყოფის ევროპული ასოციაციის (ENQA) სრული წევრი.

თსუ რექტორის გიორგი შარვაშიძის თქმით, ექსპერტთა ჯგუფებმა შეისწავლეს უნივერსიტეტის გამჭვირვალეობა, მონაწილეობა, ღიაობა, მმართველობა, ფინანსები, ინტერნაციონალიზაციის პროცესი, გადაწყვეტილების მიღების პროცესები და ა.შ. ბოლო პერიოდში შეფასების კრიტერიუმებს დაემატა მესამე მისიის კომპონენტიც, ანუ ფასდება ისიც, თუ როგორ ეხმარება უნივერსიტეტი საზოგადოებას განვითარებაში.

„ეს არის ის ძირითადი კრიტერიუმები, რომლითაც საერთაშორისო გუნდი აფასებს უნივერსიტეტს. ექსპერტები ხვდებიან საუნივერსიტეტო ცხოვრებაში ჩართულ ყველა მონაწილეს: სტუდენტებს, პროფესორებს, ადმინისტრაციას, მკვლევრებს, მშობლებს თუ დამსაქმებლებს. ეს არის ძალიან ფართო კვლევა, რაც ჩვენც გამოგვადგება სამომავლოდ, რომ ნაკლოვანებების შემთხვევაში ეს კვლევა გამოვიყენოთ ერთგვარ საგზაო რუკად. ამრიგად, მნიშვნელოვანია, რომ უნივერსიტეტის მიღწევები, სწავლის მაღალი ხარისხი აღიარებული იქნება საერთაშორისო დამოუკიდებელი სააგენტოს მიერ, რომელიც შექმნილია ევროპის უნივერსიტეტთა ასოციაციის ეგიდით“, - განაცხადა გიორგი შარვაშიძემ.

ინსტიტუციური შეფასების პროგრამის მიერ ივანე ჯავახიშვილის სახელობის თბილისის სახელმწიფო უნივერსიტეტის (თსუ) შეფასება უნივერსიტეტს დაეხმარება ძლიერი და განსავითარებელი მხარეების გამოვლენაში, განვითარების გეგმის დასახვასა და განხორციელებაში.

„შეფასების დასრულების შემდეგ, ხუთი წლის განმავლობაში, უნივერსიტეტს უფლება აქვს გამოიყენოს სიმბოლო “შეფასებულია ინსტიტუციური შეფასების პროგრამის მიერ“ (“Evaluated by IEP”), რაც კიდევ ერთი მნიშვნელოვანი გზაა საერთაშორისო სტუდენტებისა და აკადემიური პერსონალის მოსაზიდად, უნივერსიტეტის ცნობადობის ასამაღლებლად და ინტერნაციონალიზაციის დონის გასაზრდელად. ევროპის უნივერსიტეტების ასოციაციის ინსტიტუციური შეფასების პროგრამა (EUA’s IEP) არის ხარისხის გარე უზრუნველყოფის სააგენტო, რომელიც ახორციელებს უმაღლესი საგანმანათლებლო დაწესებულებების (უსდ) შეფასებას. აღნიშნული შეფასება მოიცავს უსდ-ების საქმიანობის სრული მასშტაბის შეფასებას. კერძოდ, მართვის, სწავლა-სწავლების, კვლევის, ხარისხის კულტურის, მესამე მისიის (საზოგადოების განვითარებაში წვლილის შეტანა) და ინტერნაციონალიზაციის შეფასებას. შეფასება ნებაყოფლობითია, რაც იმას ნიშნავს, რომ ის ხორციელდება უსდ-ების სურვილის შემთხვევაში. შეფასება არის განვითარებასა და გაუმჯობესებაზე ორიენტირებული და აღნიშნული პროცესის მთავარი მიზანია უსდ-ების მართვის განვითარება და საჭირო ცვლილებების დანერგვა“, - ნათქვამია გავრცელებულ ინფორმაციაში.

ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
ქართული პრესის მიმოხილვა 27.06.2022
გოგა მელიქიძე - საპენსიო ფონდი მნიშვნელოვან ზრდას განაგრძობს
"არქი" ოქროს ბრენდის გამარჯვებული გახდა
ისტორიული დღე ვატიკანში - პირველად, სიქსტის კაპელაში, ქართული გალობა გაისმა
კახა ოქრიაშვილი - ივანიშვილის ღარიბაშვილი ქართველი ხალხის 90%-ს დესტრუქციულ ძალას უწოდებს!
საერთაშორისო ფორვარდინგული კომპანია "ტეპკო" განცხადებას ავრცელებს
„მაგნიტის“ მეხუთე გათამაშებაში მოგებული 100 000 ლარი - რა გეგმები აქვს გამარჯვებულ ოჯახს
Bitnet – კრიპტო სტარტაპი, რომელმაც საერთაშორისო დაფინანსება მოიპოვა
დომუსის ახალი, მზიანი და ნათელი საცხოვრებელი კომპლექსი გაზაფხულის ქუჩაზე
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია