დავით უსუფაშვილი  შალვა პაპუაშვილს - უმრავლესობა და უმცირესობა სხვადასხვა სიხშირეზე ვლაპარაკობთ, უნარები გვაქვს ჩახშული, რომ ერთმანეთის გავიგოთ - თქვენი ვალია, სიხშირეები გავასწოროთ და ადამიანებს მაგალითი მისცეთ

„ლელო - საქართველოსთვის“ ერთ-ერთი ლიდერი შალვა პაპუაშვილს მიმართავს, საკანონმდებლო ორგანოში უმრავლესობისა და ოპოზიციის მოსმენის კულტურა დანერგოს.

როგორც უსუფაშვილმა აღნიშნა, უმრავლესობა და უმცირესობა სხვადასხვა სიხშირეებზე ლაპარაკობს და ერთმანეთის მოსმენის უნარები ჩახშული აქვს.

„კიდევ ერთი საკითხი, რომელიც სერიოზული პრობლემაა და თავმჯდომარის ნომერი პირველი საქმეა. უმრავლესობა და უმცირესობა სხვადასხვა სიხშირეებზე ვლაპარაკობთ, უნარები გვაქვს ჩახშული, რომ ერთმანეთის რამე გავიგოთ. დაიწყო ლაპარაკი უმრავლესობის წევრმა? - მე ყურები ჩახშული მაქვს, არ მესმის! ეს თქვენ უნდა მოაგვაროთ პერსონალურად, ბატონო შალვა, ამიტომ სჭირდებით ამ პარლამენტს თავმჯდომარედ. როდესაც პარლამენტის სხდომა მიგყავთ, ბიუროს სხდომა მიგყავთ, თქვენი ვალია, რომ სიხშირეები გავასწოროთ და ადამიანებს მაგალითი მისცეთ. ცუდი ამბავია საკუთარი მაგალითების მოყვანა, მაგრამ ერთ რამეს გეტყვით - სიგარეტს აღარ ვეწევი 4 წელია, მანამდეც ორჯერ მქონდა სიგარეტისთვის თავი დანებებული, ბოლოჯერ როდის დავუბრუნდი სიგარეტს იცით? - ქუთაისის პარლამენტში რომ დავიწყეთ სიარული. მაშინ გენახათ თქვენ გამყოფი ხაზები უმრავლესობასა და ნაციონალურ ოპოზიციას შორის. მოსაწევ ადგილზე, სადაც „ნაციონალური მოძრაობის“ წევრები ეწეოდნენ, 50 მეტრის სიახლოვეს „ოცნების“ წევრი არ გაივლიდა, ტოქსიკური ტერიტორია იყო რაღაც. მეორე მხარესაც იგივე. ავიღე ხელში სიგარეტი და მოწევა დავიწყე, მივედი ამ „ნაციონალებთან“ და ხან ფეხბურთზე ვლაპარაკობდი, ხან ამინდზე. ვერ გეტყვით, რომ რამე დიდს მივაღწიეთ იქ, მაგრამ აუცილებელია ნაბიჯების გადადგმა ამისთვის. ძალიან გთხოვთ ეს გააკეთეთ. დანარჩენი გაცილებით მარტივად გამოვა“, - განაცხადა უსუფაშვილმა.

ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
ქართული პრესის მიმოხილვა 30.06.2022
გოგა მელიქიძე - საპენსიო ფონდი მნიშვნელოვან ზრდას განაგრძობს
კახა ოქრიაშვილი - „ყაველაშვილის ტრიო“ მომავალში მრავალი პოლიტიკური ტრიუკისთვის იქნება გამოყენებული
„ფოთის ახალ საზღვაო ნავსადგურში“ დოკერისა და მძღოლ-ოპერატორების კურსებზე პრაქტიკულ სწავლებას 40-ზე მეტი პირი გადის
„ონისი“ - 3 მეგობრის მიერ დაწყებული გემრიელი ბიზნესი
კარდიოასმაგნე - გულ-სისხლძარღვთა დაავადებების პრევენცია და მკურნალობა
„ლიბერთი“ მასწავლებელთა პოპულარიზაციის გლობალურ კამპანიას უჭერს მხარს
მელიქიშვილის 10 ნომერში სასტუმრო ”რამადა თბილისი” გაიხსნა
სს „ლიბერთი ბანკის“ გენერალურ დირექტორად ბექა გოგიჩაიშვილი დაინიშნა
"არქი" ოქროს ბრენდის გამარჯვებული გახდა
ისტორიული დღე ვატიკანში - პირველად, სიქსტის კაპელაში, ქართული გალობა გაისმა