"ევროპის უნივერსიტეტს" ერთკვირიანი სამუშაო ვიზიტით მალაგას უნივერსიტეტის (ესპანეთი) პროფესორი ფრანჩისკო ხოსე კანტარერო პრადოსი ეწვია. ამის შესახებ ინფორმაციას "ევროპის უნივერსიტეტი" ავრცელებს.
მათივე ცნობით, პროფესორმა პრადოსმა "ევროპის უნივერსიტეტის" აკადემიური პერსონალისა და სტუდენტებისათვის ჩაატარა ვორკშოპები თემაზე: "გეოინფორმაციული სისტემის გამოყენება".
ამასთან, აღნიშნავენ, რომ ვორკშოპის ფარგლებში, მონაწილეები გაეცნენ ვირტუალურ სივრცეში განთავსებული მონაცემების შეგროვების, შენახვისა და მართვის ტექნიკებს. პროფესორი პრადოსის ვორკშოპები ერაზმუს+ საერთაშორისო კრედიტების მობილობის პროგრამის ფარგლებში აკადემიური პერსონალის გაცვლითი აქტივობების ნაწილია.