ირაკლი კობახიძე „ნაცმოძრაობის“ „ჩახსნილ“ სიებზე - სიების აღდგენასთან დაკავშირებით ჩვენ ინიციატივას არ განვიხილავთ!

სიების აღდგენასთან დაკავშირებით ჩვენ ინიციატივას არ განვიხილავთ, - ასე უპასუხა „ქართული ოცნების“ თავმჯდომარემ, ირაკლი კობახიძემ ოპოზიციური პარტიების მიერ „ჩახსნილი“ საარჩევნო სიების აღდგენასთან დაკავშირებით „ერთიანი ნაციონალური მოძრაობის“ მოთხოვნაზე დასმულ შეკითხვას.

მისივე თქმით, გაუქმებული საარჩევნო სიების აღდგენის მოთხოვნა „ნაციონალური მოძრაობის“ სასოწარკვეთილ მდგომარეობაზე მიუთითებს.

„თავის დროზე მათ ეს სიები გააუქმეს, ეს იყო საბოტაჟის შემადგენელი ნაწილი და როდესაც ისინი ახლა ითხოვენ იმის აღდგენას, რაც საბოტაჟისთვის გამოიყენეს, ეს არის, ბუნებრივია, სულ მცირე არაკეთილსინდისიერი ქმედება და მიუთითებს იმ სასოწარკვეთილ მდგომარეობაზე, რომელშიც არის „ნაცმოძრაობა“ ჩაყენებული. მათ აქვთ რაღაცის იმედი, მათ შორის, იმის იმედი, რომ გარკვეული გადაწყვეტილებებით რაღაც მღელვარებას გამოიწვევენ. აქაც ამ პოლიტიკურ პარტიას არავითარი პერსპექტივა არ აქვს, იმიტომ, რომ საზოგადოებამ იცის ყველაფერი მათი რეჟიმის, მათი დღევანდელობის შესახებ და ბუნებრივია, არ დაუშვებს იმას, რომ „ნაცმოძრაობამ“ თუნდაც სცადოს ხელისუფლებაზე შეტევა. დღეს საზოგადოებას უნდა მშვიდობა, განვითარება, სამართლის უზენაესობა და, რა თქმა უნდა, ამ ინტერესებს პირველ რიგში,ქართული საზოგადოება დაიცავს“, - განაცხადა ირაკლი კობახიძემ.

ცნობისთვის, „ერთიანი ნაციონალური მოძრაობა“ ოპოზიციური პარტიების მიერ „ჩახსნილი“ საარჩევნო სიების აღდგენას და ამ თემაზე კონსულტაციების დაწყებას ითხოვს. საკითხი დეპუტატმა ლევან ბეჟაშვილმა პარლამენტის საპროცედურო საკითხთა და წესების კომიტეტის სხდომაზე დასვა, სადაც ფრაქცია “ნაციონალური მოძრაობის" წევრის ზაალ უდუმაშვილის განცხადების საფუძველზე, მისთვის სადეპუტატო უფლებამოსილების შეწყვეტის საკითხი განიხილეს და დადებითი გადაწყვეტილება მიიღეს. შედეგად “ნაციონალური მოძრაობა“ პარლამენტში მეორე მანდატს კარგავს. სულ ოპოზიციის ოთხი საპარლამენტო მანდატი იკარგება (ორი - “ნაციონალური მოძრაობა“, ორი - “ლელო“), რადგან პარლამენტიდან გასულ დეპუტატებს ადგილმონაცვლეები არ ჰყავთ.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა