„საქართველოს ბიზნეს ასოციაცია“ - „სამრეწველო ემისიების შესახებ“ კანონზე მუშაობისას, მნიშვნელოვანია, სახელმწიფოსა და ბიზნეს სექტორის აქტიური თანამშრომლობა

„საქართველოს ბიზნეს ასოციაციის“ გარემოს დაცვის კომიტეტის წევრებმა და საქართველოს გარემოს დაცვისა და სოფლის მეურნეობის სამინისტროს წარმომადგენლებმა საქართველოს კანონზე „სამრეწველო ემისიების შესახებ“ და ევროკავშირის კანონმდებლობასთან მის ჰარმონიზაციასთან დაკავშირებით იმსჯელეს.

ბიზნეს ასოციაციის ცნობით, შეხვედრის ფარგლებში, გარემოს დაცვისა და სოფლის მეურნეობის მინისტრის მოადგილემ ნინო თანდილაშვილმა სამრეწველო საქმიანობებიდან გარემოს დაბინძურების პრევენციისა და მისი შემცირების ეფექტიანი მექანიზმებისა და რეგულაციების შემოღების აუცილებლობაზე ისაუბრა, რაც, თავის მხრივ, უმნიშვნელოვანესია ეროვნული კანონმდებლობის სრულყოფისა და ევროპული სტანდარტის დანერგვის კუთხით.

„უნდა აღინიშნოს, რომ კანონის მიზანია სამრეწველო საქმიანობის შედეგად ატმოსფერულ ჰაერში, წყალში და მიწაში ემისიების პრევენცია ან სადაც ეს პრაქტიკულად შეუძლებელია, ემისიების შემცირება და კონტროლი, ასევე, ნარჩენების წარმოქმნის პრევენცია. აღნიშნული მიზნის მისაღწევად კი აუცილებელია სახელმწიფოსა და ბიზნეს სექტორს შორის პოზიციების შეჯერება, რათა მაქსიმალურად იქნას დაცული ორივე მხარის ინტერესები.

აღსანიშნავია, რომ საქართველოს ბიზნეს ასოციაციის წევრებს შეხვედრის ფარგლებში შესაძლებლობა ჰქონდათ სამინისტროს წარმომადგენლებისათვის გაეზიარებინათ მოსაზრებები და ინფორმაცია იმ შესაძლო სირთულეების შესახებ, რაც კანონპროექტით გათვალისწინებული სიახლეების დანერგვას შესაძლოა მოჰყვეს როგორც ადამიანური რესურსების, აგრეთვე ტექნოლოგიებისა და ფინანსური რესურსების ნაწილში; განსაკუთრებით ხაზი გაესვა რეფორმის განხორციელების პროცესში ვადების ფაქტორს, რამაც საშუალება უნდა მისცეს ბიზნესს წინასწარ, გონივრული ვადით ადრე მიიღოს სრული ინფორმაცია მოსალოდნელი სიახლეების შესახებ და კანონის ამოქმედებამდე ჰქონდეს საკმარისი დრო სათანადოდ მოსამზადებლად“, - აღნიშნულია ინფორმაციაში.

„საქართველოს ბიზნეს ასოციაციის“ აღმასრულებელმა დირექტორმა ლევან ვეფხვაძემ განაცხადა, რომ ასოციაციის მიზანია, აღნიშნულ კანონზე მუშაობისას დაცული იყოს, როგორც მოქალაქეების, ასევე ბიზნეს სექტორის და წევრი კომპანიების საუკეთესო ინტერესები.

„სამრეწველო ემისიების შესახებ“ კანონზე მუშაობისას, მნიშვნელოვანია, სახელმწიფოსა და ბიზნეს სექტორის აქტიური თანამშრომლობა, სწორედ ამიტომ საქართველოს ბიზნეს ასოციაცია აქტიურად განაგრძობს მუშაობას საქართველოს გარემოს დაცვისა და სოფლის მეურნეობის სამინისტროსთან, ვინაიდან, ზემოხსენებული კანონით გათვალისწინებული რეგულაციები პირდაპირ გავლენას ახდენს იმ ბიზნესებზე, რომელიც დაკავებულები არიან სამრეწველო საქმიანობით. ასოციაციის მიზანია, აღნიშნულ კანონზე მუშაობისას დაცული იყოს, როგორც ჩვენი ქვეყნის მოქალაქეების, ასევე ბიზნეს სექტორისა და წევრი კომპანიების საუკეთესო ინტერესები, ვინაიდან, წარმოება არის ერთ-ერთი უმნიშვნელოვანესი საკითხი, ჩვენი ქვეყნის ეკონომიკური წინსვლისა და განვითარებისთვის“, - განაცხადა ლევან ვეფხვაძემ.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
გიორგი კაჭარავა - ევროკავშირის გრძელვადიანი სტრატეგიული ინტერესების გათვალისწინებით, ამ ეტაპზე საქართველოსთვის კანდიდატის სტატუსის მინიჭებაზე უარის თქმა ევროპული სტრუქტურების შეცდომა იყო
ქართული პრესის მიმოხილვა 30.06.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
კახა ოქრიაშვილი - "ღალატის პარტიას" არ სურს, საქართველო გახდეს ევროკავშირის წევრი ქვეყანა
დავით ზილფიმიანი მიმართვას ავრცელებს
PSP წლის ორი უმნიშვნელოვანესი ბიზნესდაჯილდოების - „ოქროს ბრენდი 2021“ და „ეროვნული ბიზნეს რეიტინგი XXII“-ის გამარჯვებულია
„წისქვილი მცხეთაში“ – „წისქვილი ჯგუფის“ სარესტორნო ქსელს დღეიდან კიდევ ერთი გამორჩეული რესტორანი ემატება
„იმპექსში“ ყოველკვირეული, უპრეცედენტო შეთავაზებები იწყება
ახალი ლიბერთი ახალი ცხოვრებისათვის - ლიბერთის და “ტელეკლინიკა - MyDoc“-ის ჯანმრთელობის ხელმისაწვდომობის პროგრამა
„აპარტ დეველოპმენტმა“ ახალი გაყიდვების ოფისი გახსნა
თბილისში დავით ტატიშვილის სამედიცინო ცენტრის კიდევ ერთი ფილიალი გაიხსნა
„ვენდისსა“ და „დანკინში“ „დორას“ „მამალოები“ უკვე წარმატებით იყიდება
სოსო ტყემალაძე - აბასთუმნის კურორტის განვითარებისთვის, რომლის ინიციატივა ბიძინა ივანიშვილს ეკუთვნის, 1.3 მილიარდი ლარი დაიხარჯება
ბილბორდი - საქართველო - BILLBOARD GEORGIA - საქართველოში მუსიკალურ ჩარტებსა და სიახლეებს შემოიტანს