ქუთაისის საერთაშორისო აეროპორტის განახლებული ტერმინალის ოფიციალური გახსნიდან ერთი წელი გავიდა

ქუთაისის საერთაშორისო აეროპორტის განახლებული ტერმინალის ოფიციალური გახსნიდან ზუსტად ერთი წელი გავიდა. ამ ხნის განმავლობაში დავით აღმაშენებლის სახელობის აეროპორტი 2300 რეისსა და 534,165 მგზავრს მოემსახურა. ინფორმაციას საქართველოს აეროპორტების გაერთიანება ავრცელებს.

მათი ცნობით, ტერმინალის გაფართოებასთან დაკავშირებით, საქართველოს აეროპორტების გაერთიანებასა და ჰოლანდიური არქიტექტურული კომპანია UN STUDIO-ს თანამშრომლობის შედეგად, ფოტოგრაფმა გიორგი მამასახლისმა საიმიჯო ფოტოები გადაიღო.

აღსანიშნავია, რომ ქუთაისის აეროპორტის ძველი ტერმინალის საიმიჯო ფოტოებიც გიორგი მამასახლისს ეკუთვნის.

,,ჩემთვის დიდი გამოცდილება და ამავე დროს, გამოწვევაა მსგავსი მასშტაბური პროექტის საიმიჯო ფოტოების გადაღება. არქიტექტურულ კომპანია UN STUDIO-სთან წლებია ვთანამშრომლობ და მიხარია, რომ ქუთაისის საერთაშორისო აეროპორტის განახლებული ტერმინალის საიმიჯო ფოტოების გადაღება კვლავ მე მომანდეს. თანამედროვე, გამორჩეული და განსხვავებული დიზაინის მქონე არქიტექტურული ნამუშევრების გადაღება დიდ სიამოვნებას მანიჭებს. განსაკუთრებით გამოვყოფდი განახლებული აეროპორტის ტერასას, სადაც ტერმინალის რენდერში არსებული ქართული ხალხური ცეკვაც გავაცოცხლეთ. ზოგადად, მიმაჩნია, რომ ქუთაისის საერთაშორისო აეროპორტი განსხვავებული დიზაინისაა და მისი ტერასა სხვადასხვა ღონისძიებების გადასაღებად შესანიშნავი ლოკაციაა“,-აცხადებს მამასახლისი.

საქართველოს აეროპორტების გაერთიანების დირექტორის, თამარ არჩუაძის ინფორმაციით, ქუთაისის საერთაშორისო აეროპორტის ტერმინალის გაფართოების პროექტის ფარგლებში ძველი და ახალი ტერმინალები გაერთიანდა. საქართველოს აეროპორტების გაერთიანების ცნობით, დავით აღმაშენებლის სახელობის ტერმინალი არსებულს 6-ჯერ აღემატება. გაფართოების შედეგად, განახლებული ტერმინალის საერთო ფართობი 30 ათას კვადრატულ მეტრამდე გაიზარდა.

,,განახლებული ტერმინალის საიმიჯო ფოტო გადაღება ჰოლანდიურ არქიტექტურულ კომპანია UN STUDIO-სთან ერთად, რომელსაც ქუთაისის აეროპორტის კონცეფტ- დიზაინი ეკუთვნის, ერთად, ორჯერ დავგეგმეთ: შარშან, როდესაც ოფიციალურად გაიხსნა განახლებული ტერმინალი და ასევე, წელს მაისში, როდესაც ქუთაისის აეროპორტის მგზავრთნაკადმა პანდემიამდელ ნიშნულს გადააჭარბა და აეროპორტი როგორც საერთაშორისო, ისე ქართული ბრენდებით კიდევ უფრო დაიტვირთა. ჩვენი აეროპორტის ტერმინალი მართლაც გამორჩეული დიზაინის მქონეა. შეიძლება ითქვას, რომ რეგიონში ანალოგი არ ჰყავს“,-აცხადებს თამარ არჩუაძე.

საქართველოს აეროპორტების გაერთიანების ცნობით, ჰოლანდიურ კომპანია UN Studio-ს, ქუთაისის საერთაშორისო აეროპორტის, როგორც ძველი, ისე განახლებული ტერმინალის კონცეპტ-დიზაინი ეკუთვნის. ხოლო ქართული მხრიდან ტერმინალის ინტერიერის დიზაინზე საქართველოს აეროპორტების გაერთიანების არქიტექტორ-დიზაინერმა მარიამ ყარყარაშვილმა იმუშავა, რომელმაც არსებული კონცეფცია აეროპორტის მოთხოვნებს მოარგო. ჰოლანდიელი არქიტექტორების განცხადებით, ახალი ინტერიერი ქუთაისის აეროპორტის სავიზიტო ბარათია, რომელიც მთლიანად მგზავრების კომფორტსა და ზრუნვაზეა ორიენტირებული.

ფოტო: Nakanimamasakhlisi

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა