მიხეილ ჩხენკელი ქართველ მეცნიერს რისმაგ გორდეზიანს იუბილეს ულოცავს

საქართველოს განათლებისა და მეცნიერების მინისტრი მიხეილ ჩხენკელი ცნობილ ქართველ მეცნიერს, აკადემიკოს რისმაგ გორდეზიანს 82 წლის იუბილეს ულოცავს.

მინისტრის განცხადებით, რისმაგ გორდეზიაის, როგორც გამოჩენილი მეცნიერის, პედაგოგისა და ფილოლოგიის მეცნიერებათა დოქტორის ღვაწლი შეუფასებელია.

„ბატონო რისმაგ, გულითადად გილოცავთ იუბილეს. თქვენმა სამეცნიერო საქმიანობამ, ანტიკური ცივილიზაციისა და ლიტერატურის ისტორიის, ელინისტიკის, ეტრუსკოლოგიის, ბერძნული და ლათინური ენათმეცნიერების, ქართველოლოგიისა და მედიტერანულ-ქართველური ურთიერთობების მიმართულებით, მნიშვნელოვანი ცოდნა შექმნა და ქართული მეცნიერების განვითარების საქმეში განსაკუთრებული წვლილი შეიტანა.

ორ ასეულზე მეტი სამეცნიერო ნაშრომი – თქვენი მონოგრაფიები და სახელმძღვანელოები იმ აქტიური და ფასდაუდებელი მოღვაწეობის ნათელი მაგალითია, რომელსაც ათწლეულების განმავლობაში ქართულ საგანმანათლებლო და სამეცნიერო სივრცეში ეწევით. თქვენს ნაშრომებზე არაერთი თაობა აღიზარდა. მნიშვნელოვანია, რომ მოღვაწეობას ივანე ჯავახიშვილის სახელობის თბილისის სახელმწიფო უნივერსიტეტში აგრძელებთ და ახალ თაობას იმ ცოდნასა და ღირებულებებს გადასცემთ, რომლებიც ქართული მეცნიერების განვითარებისათვის ასე მნიშვნელოვანია. საამაყო და სასიხარულოა, რომ თქვენი ავტორიტეტი აღიარებულია არა მხოლოდ საქართველოში, არამედ ქვეყნის ფარგლებს გარეთ.

გისურვებთ ჯანმრთელობას, დღეგრძელობას, წინსვლასა და წარმატებას ქართული მეცნიერების, სრულიად ქვეყნისა და ქართველი ხალხის საკეთილდღეოდ,“ - განაცხადა მიხეილ ჩხენკელმა.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა