თავდაცვის მინისტრი - უკრაინაში ომი რუსეთის რევიზიონისტული ქმედებების გაგრძელებაა, რომლის მსხვერპლი ჩვენი ქვეყანა არაერთხელ გამხდარა

პარლამენტის პლენარულ სხდომაზე, “მინისტრის საათის“ ფორმატში მოხსენებით გამოსვლისას, საქართველოს თავდაცვის მინისტრმა რეგიონსა და მსოფლიოში არსებულ უსაფრთხოების მძიმე გარემოზე გაამახვილა ყურადღება.

მინისტრმა საზოგადოებას თავდაცვის სფეროში ქვეყნის პრიორიტეტები გააცნო.

ჯუანშერ ბურჭულაძის განცხადებით, თავდაცვის უწყების გადადგმული ნაბიჯები, განხორციელებული რეფორმები და დასახული გეგმები საქართველოს თავდაცვის ძალების გაძლიერებასა და თავდაცვისუნარიანობის გაზრდას ისახავს მიზნად.

მინისტრმა უკრაინაში რუსეთის შეჭრა კიდევ ერთხელ დაგმო და რუსეთის ქმედება გლობალური წესრიგისა და ევროპის უსაფრთხოების არქიტექტურისთვის მეორე მსოფლიო ომის შემდეგ უდიდეს გამოწვევად შეაფასა.

„აღნიშნული ომი რუსეთის რევიზიონისტული ქმედებების გაგრძელებაა, რომლის მსხვერპლი ჩვენი ქვეყანა არაერთხელ გამხდარა. დღესაც, ჩვენი ქვეყნის 20% ოკუპირებულია. პარალელურად საქართველო წლების განმავლობაში მუდმივად განიცდის ზეწოლას ჰიბრიდული ომის მეთოდების გამოყენებით, მათ შორის, „მცოცავი ოკუპაციით“, რაც მიზნად ისახავს ჩვენი ქვეყნის განვითარებასა და ევროატლანტიკურ ინტეგრაციაზე ზეგავლენის მოხდენას“,- აღნიშნავს მინისტრი.

რუსეთის ფედერაციის მცდელობების, აგრესიული პოლიტიკური ამბიციების განხორციელების პირისპირ, ჯუანშერ ბურჭულაძემ საქართველოს მხრიდან პრაგმატული და ამავდროულად პრინციპული პოლიტიკის გატარების მნიშვნელობაზე ისაუბრა, რაც საერთაშორისო პარტნიორებთან თანამშრომლობის გაღრმავებას, ევროპულ და ევროატლანტიკურ სივრცეში ინტეგრაციის რეალიზებას გულისხმობს.

„განსაკუთრებით დიდია გამოწვევები ევროპის იმ სივრცისთვის, რომელიც ჯერ კიდევ არ არის ჩრდილოატლანტიკური კოლექტიური უსაფრთხოების ნაწილი, მათ შორის არის ჩვენი ქვეყანა. აღნიშნული გამოწვევები მოითხოვს ჩვენი სუვერენიტეტის დაცვისთვის მაქსიმალურ ძალისხმევას და ჩვენი საზოგადოების ურყევი ღირებულებითი არჩევანის, ევროპულ და ევროატლანტიკურ სივრცეში ინტეგრაციის რეალიზაციას. ამ თვალსაზრისით, ევროკავშირის წევრობის კანდიდატობასთან დაკავშირებული განაცხადი, დაკმაყოფილების შემთხვევაში, არა მხოლოდ წინ გადაგმული ნაბიჯი იქნება ჩვენი ერის პოლიტიკურ-ღირებულებითი არჩევანის გზაზე, გაზრდის საქართველოს ეკონომიკურ მიმზიდველობას, არამედ, გააძლიერებს უსაფრთხოების კომპონენტს“, - აღნიშნა თავდაცვის უწყების ხელმძღვანელმა.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა