ფინანსთა მინისტრი ევროკომისიის ეკონომიკურ და ფინანსურ საკითხთა გენერალური დირექტორატის ხელმძღვანელის მოადგილეს შეხვდა

ფინანსთა მინისტრი ლაშა ხუციშვილი ვირტუალურ ფორმატში შეხვდა ევროკომისიის ეკონომიკურ და ფინანსურ საკითხთა გენერალური დირექტორატის ხელმძღვანელის მოადგილეს, ელენა ფლორესს.

სამინისტროს ინფორმაციით, ფინანსთა მინისტრმა მას მადლობა გადაუხადა ევროკავშირსა და საქართველოს შორის ეფექტური, ნაყოფიერი და ხანგრძლივი თანამშრომლობისთვის.

ლაშა ხუციშვილმა განსაკუთრებული მადლიერება გამოხატა იმ მხარდაჭერისთვის, რომელიც ევროკავშირმა ქვეყანას გაუწია COVID-19-ის პანდემიის რთულ პერიოდში.

შეხვედრაზე კიდევ ერთხელ, ხაზი გაესვა ევროკავშირის ფინანსურ და ტექნიკურ დახმარებას საქართველოსთვის, რომელსაც მნიშვნელოვანი წვლილი შეაქვს ევროკავშირთან ინტეგრაციის პროცესში.

საუბარი შეეხო ევროკავშირის წევრობისთვის საქართველოს განაცხადს. როგორც ფინანსთა მინისტრმა აღნიშნა, საქართველომ უმოკლეს ვადაში შეავსო კითხვარი და ახლა ქვეყანა ელოდება წევრობის კანდიდატის სტატუსის მიღების შესახებ გადაწყვეტილებას.

შეხვედრაზე ყურადღება გამახვილდა პანდემიამდე და პანდემიის პერიოდში ქვეყნის ეკონომიკაში არსებულ მდგომარეობაზე, განსაკუთრებით, უკრაინაში რუსეთის შეჭრის შემდეგ რეგიონში შექმნილ ვითარებასა და არსებულ გამოწვევებზე.

შეხვედრაზე, ასევე, საუბარი შეეხო საქართველოს მიერ, უკრაინისთვის გაწეულ მხარდაჭერასა და დაწესებული საერთაშორისო სანქციების აღსრულების საკითხებს.

როგორც ფინანსთა მინისტრმა აღნიშნა, არსებული გამოწვევების მიუხედავად, საქართველო განაგრძობს რეფორმების დღის წესრიგს. ერთ-ერთ მაგალითად დასახელდა სახელმწიფო ფინანსების მართვის რეფორმა, რომლის შედეგია ის, რომ ღია ბიუჯეტის ინდექსში საქართველო მსოფლიოს ლიდერი ქვეყანა გახდა.

შეხვედრის დასასრულს მხარეებმა თანამშრომლობის გაგრძელების მზადყოფნა გამოთქვეს.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა