GIPA-სა და GIONFE-ს თანამშრომლობით მასტერკლასთა სერია გაიმართა. GIPA-ს ინფორმაციით, აქტივობა სოციალური, პოლიტიკური და ადმინისტრაციული მეცნიერებებით დაინტერესებულ ახალგაზრდებს აერთიანებდა და მათ შესაძლებლობას აძლევდა, მოწვეული მომხსენებლების მიერ ჩატარებულ სალექციო და სატრენინგო ფორმატის მასტერკლასებს შემდეგ თემებზე დასწრებოდნენ:
საჯარო პოლიტიკისა და საჯარო მმართველობის არსი - ნანი მაჭარაშვილი (GIPA-ს პროფესორი, სამეცნიერო და კვლევითი დეპარტამენტის ხელმძღვანელი)
საერთაშორისო ურთიერთობები და საგარეო პოლიტიკის პრიორიტეტები - თორნიკე შარაშენიძე (GIPA-ს პროფესორი, GIPA-ს საერთაშორისო ურთიერთობების საბაკალავრო და სამაგისტრო პროგრამების ხელმძღვანელი)
საინფორმაციო ომი - მაია მიქაშავიძე (GIPA-ს პროფესორი, „ინტერნიუსი საქართველოს“ რეგიონული მედიის განვითარების პროექტის ხელმძღვანელი)
პოლიტიკის საფუძვლები და პოლიტიკური იდეოლოგიები - სანდრო ტაბატაძე (GIPA-ს აფილირებული ლექტორი, მკვლევარი)
საჯარო გამოსვლები და ეფექტური კომუნიკაციის ხელოვნება - ბაჩო ხუროშვილი (GIONFE-ს გენერალური დირექტორი, ტრენერი)
უნივერსიტეტის ცნობით, მასტერკლასზე დასწრების მსურველებმა საკუთარი ინტერესის მიხედვით პრიორიტეტები წინასწარ აირჩიეს.
აღსანიშნავია, რომ პროექტში მონაწილეობის სურვილი 400-მდე ახალგაზრდამ გამოთქვა.