NBA-ის პლეი ოფის ფინალური სერიის მეხუთე შეხვედრა „გოლდენ სტეიტ უორიორსსა“ და „ბოსტონ სელტიკსს“ შორის გაიმართა. მატჩი მასპინძელთა გამარჯვებით, ანგარიშით 104:94 დასრულდა.
შეხვედრა სან-ფრანცისკოში, Chase Center-ის არენაზე გაიმართა.
ამ გამარჯვებით „გოლდენ სტეიტი“ ფინალურ სერიაში ანგარიშით 3-2 დაწინაურდა.
„ბოსტონის“ შემადგენლობაში საუკეთესო იყო ჯეისონ ტატუმი, რომელმაც 27 ქულით და 10 მოხსნით ორმაგი დუბლი შეასრულა.
„გოლდენ სტეიტში“ ყველაზე შედეგიანი კალათბურთელი გახდა ამ გუნდის ფორვარდი, ენდრიუ უიგინსი. მის ანგარიშზეა ორმაგი დუბლი 26 ქულით და 13 მოხსნით.
შეგახსენებთ, აღნიშნული სერიის წინა დაპირისპირებაც „გოლდენ სტეიტმა“ ანგარიშით 104:91 მოიგო. ამ გუნდებს შორის შემდეგი თამაში 17 ივნისს, ბოსტონში, თბილისის დროით 5:00 საათზე გაიმართება.