კახა ლაბუჩიძემ ტრენინგის მონაწილეებს სერტიფიკატები გადასცა

თბილისის საკრებულოში განათლებისა და კულტურის კომისიის ინიციატივით, რელიგიის საკითხთა სახელმწიფო სააგენტომ, საკრებულოსთან გაფორმებული ურთიერთთანამშრომლობის მემორანდუმის ფარგლებში დაიწყო ტრენინგები საკრებულოს თანამშრომლებისთვის თემაზე - „სეკულარიზმი და რელიგიური ნეიტრალიტეტი“, რომლის მომხსენებელი რელიგიის სააგენტოს თავმჯდომარე, ზაზა ვაშაყმაძე იყო.

თბილისის საკრებულოს ინფორმაციით, დედაქალაქის წარმომადგენლობითი ორგანოს განათლებისა და კულტურის კომისიის თავმჯდომარე კახა ლაბუჩიძემ და რელიგიის საკითხთა სახელმწიფო სააგენტოს თავმჯდომარემ ზაზა ვაშაყმაძემ ტრენინგის მონაწილეებს სერტიფიკატები გადასცეს. პირველ ეტაპზე ტრენინგში მონაწილეობა საკრებულოს 70-მა თანამშრომელმა მიიღო.

კახა ლაბუჩიძის განცხადებით, ტრენინგი ადამიანის უფლებათა დაცვის სამთავრობო-სამოქმედო გეგმის ფარგლებში ხორციელდება და მისი მიზანი რელიგიური ნეიტრალიტეტისა და სეკულარიზმის საკითხებში საჯარო მოხელეების ცნობიერების ამაღლებაა.

„ჩვენი მიზანია საჯარო სამსახურში რელიგიური ნეიტრალიტეტის შესახებ თანამშრომელთა ინფორმირება. საჯარო მოხელეებისთვის ტრენინგის პირველი დღე ისეთ თემებს დაეთმო, როგორიც არის საქართველოს სახელმწიფოს რელიგიური პოლიტიკა, რელიგიის საკითხთა სახელმწიფო სააგენტოს შექმნა, მისი ფუნქციები და საქმიანობა“, - განაცხადა კახა ლაბუჩიძემ.

საქართველოში გავრცელებული რელიგიების შესახებ სააგენტოს სტრატეგიული კვლევის, ანალიზისა და რეგიონების სამსახურის უფროსმა სპეციალისტმა, სერგო ფარულავამ, ხოლო სეკულარიზმსა და რელიგიურ ნეიტრალიტეტზე კი სააგენტოს სამართლებრივი უზრუნველყოფის სამსახურის უფროსმა სპეციალისტმა, დავით დავითაშვილმა და ამავე სამსახურის იურისტმა, ალექსანდრე შეყილაძემ ისაუბრეს.

2016 წელს, რელიგიის სააგენტომ კონრად ადენაუერის ფონდის საქართველოს წარმომადგენლობის მხარდაჭერით, პრაქტიკული სახელმძღვანელო საჯარო მოხელეთათვის - „სეკულარიზმი და რელიგიური ნეიტრალიტეტი საჯარო სამსახურში“ გამოსცა, რომლის მიზანიც სახელმწიფოს ერთიანი რელიგიური პოლიტიკის ფარგლებში, სეკულარული მმართველობისა და საჯარო სამსახურში რელიგიური ნეიტრალიტეტის პრინციპების განმტკიცების ხელშეწყობაა.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავის ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო