კენჭისყრის შედეგად უეფა-ს კონფერენს ლიგაზე ქართული კლუბების მეტოქეები ცნობილი გახდა.

თბილისის „დინამო“ ესტონეთის „პაიდე ლინამეესკონდს“ დაუპირისპირდება, გორის „დილა“ ფინურ „კუოპიოს“ შეხვდება, ხოლო თბილისური „საბურთალო“ ალბანურ „პარტიზანს“ ეთამაშება.

„დინამო თბილისი“ და „საბურთალო“ პირველ შეხვედრებს საშინაო კედლებში გამართავენ. რაც შეეხება გორის „დილას“, ეს გუნდი პირველ მატჩს სტუმრად ფინეთში ჩაატარებს.

ცნობისთვის, უეფა-ს კონფერენს ლიგის ჯგუფურ ეტაპზე გასასვლელად ქართულ კლუბებს 3 შესარჩევი და პლეი ოფის ეტაპების გავლა მოუწევთ. შეხვედრები 7 და 14 ივლისს გაიმართება.