ფინანსთა მინისტრი - საერთაშორისო სანქციების აღსრულების პროცესში აქტიურად არიან ჩართულნი კონტეინერების კონტროლის პროგრამის დანაყოფები

საერთაშორისო სანქციების აღსრულების პროცესში აქტიურად არიან ჩართულნი კონტეინერების კონტროლის პროგრამის დანაყოფები, - ამის შესახებ ფინანსთა მინისტრმა, ლაშა ხუციშვილმა მსოფლიო საბაჟო ორგანიზაციის, გაეროს ნარკოტიკებისა და დანაშაულის წინააღმდეგ ბრძოლის ოფისის, ამერიკის შეერთებული შტატების საელჩოს ექსპორტის კონტროლისა და საზღვრის უსაფრთხოების ერთობლივი პროექტის ფარგლებში შექმნილი, კონტეინერების კონტროლის უწყებათაშორისი დანაყოფის 10 წლის იუბილესადმი მიძღვნილ ღონისძიებაზე სიტყვით გამოსვლისას განაცხადა.

როგორც მან აღნიშნა, პროგრამა მნიშვნელოვანია ფინანსთა და შინაგან საქმეთა სამინისტროებსა და საერთაშორისო პარტნიორებს შორის თანამშრომლობის თვალსაზრისით.

„აღნიშნული მოდელი, როცა საზღვრის მართვაში ჩართული უწყებები კომპეტენციისა და გამოცდილების ფარგლებში ერთობლივად აწარმოებენ ანალიტიკურ საქმიანობას, ტვირთების თუ ფიზიკური პირების კონტროლს - ფართოდ აპრობირებულია მსოფლიოს წამყვან ქვეყნებში. მსურს, მადლიერება გამოვთქვა ჩვენი უცხოელი პარტნიორების მიმართ, საქართველოში ამ პრაქტიკის დანერგვის ხელშეწყობისთვის. აღნიშნული პროგრამის ორგანიზატორები უკვე 10 წელია, სტაბილურად, მხარს უჭერენ საქართველოში მოქმედ დანაყოფებს, როგორც თანამშრომელთა პროფესიული განვითარების, ისე აღჭურვილობითა და ტექნიკით უზრუნველყოფის კუთხით“, - აღნიშნა ფინანსთა მინისტრმა, ლაშა ხუციშვილმა.

მისი თქმით, კონტეინერების კონტროლის პროგრამის დანაყოფები წარმატებით საქმიანობენ საერთაშორისო სანქციების აღსრულების პროცესში.

„დღეის მდგომარეობით, ქვეყნის ეკონომიკურ საზღვრებზე კონტროლდება, როგორც ტრანზიტული ტვირთების გადაზიდვა, ასევე, ექსპორტისა და რეექსპორტის მიმართულებები. ამ პროცესში კარგი კომუნიკაცია გვაქვს აშშ-ის შესაბამის ორგანიზაციებთან და ევროკავშირის წევრ ქვეყანასთან. საქართველო მომავალშიც გააგრძელებს ამ მიმართულებით აღებული ვალდებულებების შესრულებას“, - განაცხადა ლაშა ხუციშვილმა.

მან მადლობა გადაუხადა საერთაშორისო პარტნიორებს მხარდაჭერისა და ნაყოფიერი თანამშრომლობისთვის.

„საქართველოს ფინანსთა სამინისტროს სახელით, მსურს, დაგარწმუნოთ ჩვენს სრულ მხარდაჭერაში, ვინაიდან ნათლად ვაცნობიერებთ ერთობლივი საქმიანობის მნიშვნელობას“, - ხუციშვილმა.

აღნიშნულ ინფორმაციას ფინანსთა სამინისტრო ავრცელებს.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა