ირაკლი ჩიქოვანი - მე არ ვიცნობ საქართველოს ერთ მოქალაქეს, ადამიანს, რომელსაც სჯერა, რომ 20 ივნისის აქცია ერთიანობის გამომხატველია და მიმართულია ევროპაში ინტეგრაციისკენ

პრეზიდენტს გააჩნდა ინიციატივა, რომ გარკვეული შეკრება ყოფილიყო, თუმცა იმ ფონზე, როდესაც ამდენიმე აქციაა გამოცხადებული, ვთვლი, რომ საზოგადოებას რეალურად გაურკვევლობა აქვს, რას ემსახურება ეს აქციები, - ამის შესახებ „ქართული ოცნების“ ერთ - ერთმა წევრამ ირაკლი ჩიქოვანმა „პალიტრანიუსის“ გადაცემა „თავისუფალ სტუდიაში“ განაცხადა.

ჩიქოვანის განმარტებით, იმისთვის, რომ საქართველომ ევროკომისიის დადებითი დასკვნა მიიღოს, ხელისუფლებას აბსოლუტური მაქსიმუმი აქვს გაკეთებული და უკვე რეალურად პოზიტიური შედეგის მოლოდინი აქვთ.

„ძალებს, რომლებიც დესტრუქციულად იქცევიან და ყველაფერს აკეთებენ, ეჭვქვეშ დააყენონ ჩვენი ქვეყნის ევროპული ინტეგრაცია, მათ გასაფუჭებელი უკვე გაფუჭებული აქვთ. აქედან გამომდინარე, ამ აქციაში არანაირ შინაარსსა და აზრს ვერ ვხედავდით. მიუხედავად იმისა, რომ ჩვენ არაერთი მცდელობა გვქონდა ერთიანობა გამოგვეხატა, ვხედავთ იმას, რომ ვიდრე ოპოზიციური პოლიტიკური ძალა „ნაციონალური მოძრაობა“ , მასთან აფილირებული მედიასაშუალებები და ასევე, მასთან აფილირებული სხვადასხვა საზოგადოებრივი სუბიექტები არ მიიღებენ იმას, რომ ქვეყანაში არის მნიშვნელოვანი პროგრესი და ქვეყანა უნდა იმართებოდეს კონსტიტუციურ ჩარჩოებში, მანამდე ეს ერთიანობა ძალიან რთული იქნება“, - განაცხადა ირაკლი ჩიქოვანმა.

მან ასევე ისაუბრა 20 ივნისს სამოქალაქო მოძრაობა „სირცვხვილიას“ მიერ ორგანიზებულ აქციზე.

„პირდაპირ გეტყვით, მე არ ვიცნობ საქართველოს ერთ მოქალაქეს, ადამიანს, რომელსაც სჯერა, რომ 20 ივნისის აქცია არის ერთიანობის გამომხატველი და რომ 20 ივნისი აქცია არის ევროპაში ინტეგრაციისკენ მიმართული. ეს არის „ნაციონალური მოძრაობის“ დღის წესრიგი, რომელსაც ცდილობს მოახვიოს საზოგადოების დანარჩენ სპექტრს. დავინახეთ კიდეც, რომ საორგანიზაციო პროცესში ერთმანეთს დაუპირისპირდნენ აქციის ორგანიზატორები თუ მონაწილეები - ვინ, რა როლს ირგებს იქ, ნამდვილად არ ვიცი, მაგრამ ვხედავთ იმას, რომ სრული ქაოსია ამ ყველაფერთან მიმართებაში. ცხადია, რომ ეს არის მათი პოლიტიკური დღის წესრიგის ნაწილი“, - განაცხადა ჩიქოვანმა.

ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
Webster University Georgia-ს რექტორი ჟან პოლ ვან მარისინგი - უნივერსიტეტს აქვს პოტენციალი, რეგიონის საგანმანათლებლო ჰაბი გახდეს
ქართული პრესის მიმოხილვა 24.06.2024
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად