მამუკა მდინარაძე - ნიშანდობლივია, რომ ევროკომისიის ყველაზე მკაფიო რეკომენდაცია დეპოლარიზაციას შეეხება, მნიშვნელოვანია, ვინაა პოლარიზაციის წყარო - ყველამ ერთად ჩვენს ძვირფას ოპონენტებს უნდა მოვუწოდოთ, რომ პოლარიზაცია შეამცირონ

ძალიან ნიშანდობლივია, რომ ევროკომისიის ყველაზე მკაფიო რეკომენდაცია დეპოლარიზაციას შეეხება, ასევე მნიშვნელოვანია, ვინაა პოლარიზაციის წყარო - ჩვენ ყველამ ერთად ჩვენს ძვირფას ოპონენტებს უნდა მოვუწოდოთ, რომ პოლარიზაცია შეამცირონ, - ეს განცხადება პარტია “ქართული ოცნების“ აღმასრულებელმა მდივანმა მამუკა მდინარაძემ ჟურნალისტებთან გააკეთა.

მდინარაძის თქმით, დეპოლარიზაციაზე ევროკომისიის მოწოდების მიუხედავად, ოპოზიცია ახლაც პოლარიზაციის ხარისხის გაზრდას ცდილობს, რითაც მხოლოდ იმას ადასტურებენ, რომ ევროპულ მოწოდებებსა და მიდგომებს აცდენილი არიან.

“პირველი შემთხვევა არაა, როდესაც ჩვენი ევროპელი პარტნიორები და მეგობრები ამას მოგვიწოდებენ და პრიორიტეტულ საკითხად და რჩევად განიხილავენ. ჩვენ მზად ვართ ნებისმიერი კონსტრუქციული დამოკიდებულებისთვის და ჩვენი წილი პასუხისმგებლობის აღებისთვის.

ეს 2020 წლის არჩევნების შემდეგ კარგად გამოჩნდა, მაგრამ მეორე მხრიდან ყოველთვის მოდის დაუსაბუთებელი, გამოგონილი ამბების საფუძველზე შექმნილი პოლარიზაცია, რაც უნდა შემცირდეს. თუ ისინი ფეიკებს, ზიზღს, სიძულვილს, ამგვარ საუბარს შეამცირებენ, ოდნავ მაინც თავს ზემოთ ძალას იპოვიან, კონსტრუქციულობისა და რეალურობის ჩარჩოებში ჩაჯდებიან, შეიძლება ჩვენ ყველაზე მარტივად ეს პირველი და უმთავრესი რეკომენდაცია შევასრულოთ და ქვეყანა დაუბრუნდეს განვითარების კიდევ უფრო სწრაფ ტემპს, რისი საფუძველიც ბევრი გვაქვს“, - განაცხადა მამუკა მდინარაძემ.

ევროკომისია გამოდის რეკომენდაციით, რომ საქართველოს ევროპული პერსპექტივა მიენიჭოს, ხოლო ევროკავშირის წევრობის კანდიდატის სტატუსი მხოლოდ იმ შემთხვევაში, თუ ის გარკვეულ პირობებს შეასრულებს. პირობებს შორის პირველ საკითხად დასახელებულია პოლიტიკური პოლარიზაციის საკითხის მოგვარება 19 აპრილის შეთანხმების სულისკვეთებით, პოლიტიკურ პარტიებს შორის თანამშრომლობის უზრუნველყოფის გზით.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქართული პრესის მიმოხილვა 27.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია