თავდაცვისა და უშიშროების კომიტეტმა საქართველოს 2021 წლის სახელმწიფო ბიუჯეტის შესრულების წლიური ანგარიში განიხილა

თავდაცვისა და უშიშროების კომიტეტის სხდომაზე, „საქართველოს 2021 წლის სახელმწიფო ბიუჯეტის შესრულების წლიური ანგარიში" და „ძირითადი მაკროეკონომიკური პროგნოზებისა და საქართველოს სამინისტროების ძირითადი მიმართულებების შესახებ" საქართველოს მთავრობის ინფორმაცია მოისმინეს. ამის შესახებ ინფორმაციას საქართველოს პარლამენტის პრესსამსახური ავრცელებს.

ფინანსთა მინისტრის პირველი მოადგილის, გიორგი კაკაურიძის განცხადებით, 2021 წელს, მთლიანი შიდა პროდუქტის რეალურმა ზრდამ წინა წელთან შედარებით 10.4 პროცენტი შეადგინა.

ამასთან, ეკონომიკურ ზრდაში წარმმართველი როლი კვლავ კერძო სექტორს ეჭირა. მისივე თქმით, 2021 წელს ბიზნეს სექტორის ბრუნვის მოცულობა 35.2 პროცენტით, ხოლო საწარმოთა მიერ გამოშვებული პროდუქციის ღირებულება 25.8 პროცენტით გაიზარდა. ხოლო, 2021 წელს წლიური ინფლაციის დონე 13.9 პროცენტით განისაზღვრა.

„წლის განმავლობაში მოხდა ბიუჯეტის 2-ჯერ ზრდა. 990 მლნ ლარი იყო თავდაცვის საბოლოოდ დაზუსტებული ბიუჯეტი, 99%-ზე მეტია შესრულების მაჩვენებელი, შინაგან საქმეთა სამინისტროს შემთხვევაში 789 მლნ ლარამდე იქნა ათვისებული და 100,5%-ია შესრულების მაჩვენებელი. დაზვერვის სამსახურს 100% აქვს შესრულების მაჩვენებელი (13 800 000 ლარი), სახელმწიფო დაცვის სპეციალური სამსახურის შემთხვევაშიც შესრულება 100%-იანია 61,4 მლნ ლარი", - განაცხადა გიორგი კაკაურიძემ.

კომიტეტმა „საქართველოს 2021 წლის სახელმწიფო ბიუჯეტის შესრულების წლიურ ანგარიშს" მხარი დაუჭირა. ანგარიშის შემაჯამებელი განხილვა საფინანსო-საბიუჯეტო კომიტეტის სხდომაზე შედგება, რომლის შემდეგაც ფინანსური დოკუმენტი პარლამენტის პლენარულ სხდომას წარედგინება.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი