კარლ ჰარცელი - ევროკომისიის რეკომენდაციაა, რომ საქართველო უნდა იყოს აღიარებული როგორც ქვეყანა, რომლისთვისაც ევროკავშირის მომავალი წევრობის კარი ახლა ღიაა
ევროკომისიის რეკომენდაციაა, რომ საქართველო უნდა იყოს აღიარებული როგორც ქვეყანა, რომლისთვისაც ევროკავშირის მომავალი წევრობის კარი ახლა ღიაა, - ასე აფასებს ევროკომისიის მიერ, საქართველოსთვის ევროპული პერსპექტივის მინიჭებას ევროკავშირის ელჩი საქართველოში კარლ ჰარცელი.
ჰარცელის თქმით, კანდიდატის სტატუსის მინიჭება საქართველოსთვის მოხდება მას შემდეგ, რაც "მთელი რიგი პრიორიტეტული ქმედებებისა, წარმატებით განხორციელდება".
"ამ შეფასების შედეგად, ევროკომისიამ გასცა რეკომენდაცია, რომ საქართველოს მიენიჭოს ევროპული პერსპექტივა და გარდა ამისა, კანდიდატის სტატუსი მას შემდეგ, როდესაც მთელი რიგი პრიორიტეტული ქმედებებისა, წარმატებით განხორციელდება. ნება მიბოძეთ, ხაზი გავუსვა ამ გზავნილის მნიშვნელობას: კომისიის რეკომენდაციაა, რომ საქართველო უნდა იყოს აღიარებული როგორც ქვეყანა, რომლისთვისაც ევროკავშირის მომავალი წევრობის კარი ახლა ღიაა", - განაცხადა ჰარცელმა.
v-if="article.gallery" v-html="article.gallery"
