ბათუმის შოთა რუსთაველის სახელმწიფო უნივერსიტეტში აშშ - საქართველოს ურთიერთობისა და სტრატეგიული პარტნიორობის 30 წლისადმი მიძღვნილი საზეიმო მიღება გაიმართა.

ბათუმის შოთა რუსთაველის სახელმწიფო უნივერსიტეტის მიერ გავრცელებული ინფორმაციით, აშშ-ის საგანგებო და სრულუფლებიანმა ელჩმა საქართველოში, კელი დეგნანმა ორ ქვეყანას შორის არსებული ურთიერთობა და თანამშრომლობის 30-წლიანი ისტორია შეაჯამა.

ღონისძიებას ბსუ-რექტორი, პროფესორი მერაბ ხალვაში, რექტორის მოადგილე თამარ სირაძე, სამთავრობო და არასამთავრობო ორგანიზაციების წარმომადგენლები, პროფესორ-მასწავლებლები და სტუდენტები ესწრებოდნენ.

ბათუმის სახელმწიფო უნივერსიტეტში ამერიკის მთავრობისა და ამერიკელი ხალხის მხარდაჭერით არაერთი საგანმანათლებლო და სამეცნიერო პროექტი ხორციელდება.