კულტურის სფეროს წარმომადგენლები ხელისუფლებას მოუწოდებენ, „ის პრობლემები მოაგვაროს, რაც ქვეყანას ევროპულ ინტეგრაციაში ხელს უშლის“

კულტურის სფეროს წარმომადგენლები ხელისუფლებას მიმართავენ და სფეროში არსებული პრობლემების აღმოფხვრისა და ამ მიმართულებით სწრაფი, ქმედითი და დაუყოვნებლივი ნაბიჯების გადადგმისკენ მოუწოდებენ. ამის შესახებ სფეროს წარმომადგენლებმა ბრიფინგი გამართეს და კულტურის მიმართულებით არსებული ის პრობლემები დაასახელეს, რომელიც მათი აზრით, ქვეყანას ხელ უშლის ევროპულ ინტეგრაციაში.

„გუშინდელმა გადაწყვეტილებამ კიდევ ერთხელ შეგვახსენა, რამდენად მაღალია თითოეული მოქალაქის პასუხისმგებლობა ჩვენი ქვეყნის ევროინტეგრაციის პროცესში და ის, რომ დაუყოვნებლივ გადასადგმელია ქმედითი ნაბიჯები, რათა აღმოიფხვრას თითოეულ სფეროში ხარვეზი, რაც ხელს უშლის ევროინტეგრაციას. ბოლო თვეების კულტურის პოლიტიკა მიგვაჩნია ერთ-ერთ ხელისშემშლელ ფაქტორად შემდეგი მიზეზების გამო: იმ დიდი დარტყმის გამო, რომელიც მიადგა კულტურული მემკვიდრეობის დაცვასა და მასზე ზრუნვის მაღალ პროფესიულ ევროპულ სტანდარტს. იმ შეფერხებული სამეცნიერო, სამუზეუმო თუ სხვა ტიპის საერთო პროექტების გამო, რომელიც ასევე ხელს უშლის ჩვენი ქვეყნის ინტეგრაციას ევროპულ სამეცნიერო ინსტიტუციებთან; განსხვავებული აზრის რეპრესიული დევნა კულტურის სფეროდან; კულტურის ინსტიტუციების დასუსტება და მათი ნგრევა ნაცვლად გაძლიერებისა, რაც ასევე არის ჩვენი ევროპელი პარტნიორების მოთხოვნა; ასევე ერთ-ერთი დიდი ხელისშემშლელი ფაქტორი არის აბსოლუტურად არქონა საჯაროობის და ღიაობის პრინციპისა, რაც ასევე ხელს უშლის სფეროს განვითარებას. ამიტომ ინსტიტუციური ღიაობა და საჯაროობა მიგვაჩნია ერთ-ერთ მთავარ პრინციპად და ისიც, რომ კარგად გავიაზროთ, რომ ჩვენი ქვეყანა ისტორიულ გზაგასაყარზე დგას“,- განაცხადა ხელოვნების მუზეუმის ყოფილმა მმართველმა, ეკა კიკნაძემ.

ამასთან, მხატვარ გია ბუღაძის განცხადებით კი, ხელისუფლება კულტურის მიმართულებით „საშინელებებს სჩადის“.

„თითქოს ყველა ველოდით, რომ მსგავსი რაღაც იქნებოდა, რადგან ხელისუფლება, რომელიც მოღალატეობრივ გზაზე დგას, ყველაფერს აკეთებს, რათა მოუსპოს საქართველოს ევროპული მომავალი, კულტურის მიმართულებით კი საშინელებებს სჩადის. კლავს პროფესიონალიზმს, კლავს ტრადიციის რეალურ გაგებას, ანადგურებს განათლების სისტემას ყველა მიმართულებით, ანადგურებს კულტურული მემკვიდრეობის ყველა გამოცდილებას. ეს ყველაფერი არის საშინელება - გვიკარგავს იმას, რაზეც ვოცნებობთ - ევროპაში დაბრუნებას“,- განაცხადა გია ბუღაძემ.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა