შვედეთში, ევროპის ქვეყნების მცენარეთა გენეტიკური რესურსების ეროვნულ კოორდინატორთა შეხვედრაზე, საერთაშორისო პროექტებში საქართველოს აქტიურად ჩართულობის საკითხები განიხილეს

გარემოს დაცვისა და სოფლის მეურნეობის სამინისტროს სამეცნიერო-კვლევითი ცენტრის დირექტორი ლევან უჯმაჯურიძე, მცენარეთა გენეტიკური რესურსების ევროპის კოპერირებული პროგრამის (ECPGR) წევრი ქვეყნების ეროვნული კოორდინატორების მმართველი კომიტეტის მეთექვსმეტე სხდომას დაესწრო, სადაც გენეტიკური რესურსების კონსერვაციის, მართვისა და მდგრადი გამოყენების საკითხებზე, ასევე მე-X ფაზის ფარგლებში განხორციელებულ საქმიანობასა და სამომავლო გეგმებზე იმსჯელეს. ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

მათივე ცნობით, შეხვედრაზე, სადაც ევროპის 30-ზე მეტი ქვეყანა იყო წარმოდგენილი, საერთაშორისო ექსპედიციების განხორციელებასა და საერთაშორისო პროექტებში საქართველოს აქტიურად ჩართულობის საკითხებზე გამახვილდა ყურადღება.

„მცენარეთა გენეტიკური რესურსების ევროპის ქვეყნების კოპერირებული პროგრამა 1980 წლიდან მოქმედებს, რომლის მიზანიც მცენარეთა გენეტიკური რესურსების გრძელვადიანი კონსერვაციის და ევროპის ქვეყნებში მცენარეთა გენეტიკური რესურსების მდგრადი გამოყენების უზრუნველყოფაა. საქართველო, 2019 წლიდან, ECPGR-ის ოფიციალური რეგისტრირებული წევრია, რომელიც წარმოდგენელია ვაზის, ხეხილოვანი კულტურების, ხორბლის, სამარცვლე პარკოსნების და მცენარეთა გენეტიკური რესურსების დოკუმენტაციების ჯგუფებში.

ECPGR-ის მე-XI ფაზა ევროპის გენეტიკური რესურსების გენბანკების ინტეგრირებული სისტემის (AEGIS) მეშვეობით ევროპული კოლექციების უნიკალურ გენეტიკურ რესურსებზე ეფექტიან წვდომას, ევროპის მცენარეთა გენეტიკური რესურსების (EURISCO) კატალოგში მცენარეთა მორფოლოგიური დახასიათებების და საპასპორტო ინფორმაციის განახლებას, კულტურათა ველური სახეოებების in situ კონსერვაციისა და გამოყენების გაუმჯობესებას და მცენარეთა გენეტიკური რესურსების ევროპულ თავისუფალ ალიანსში (FA) ქვეყნების გაწევრიანებას ითვალისწინებს.

სამუშაო ვიზიტის ფარგლებში, ლევან უჯმაჯურიძე შვედეთის სოფლის მეურნეობის მეცნიერებათა უნივერსიტეტის ლაბორატორიულ შესაძლებლობებს და ნორდგენის მცენარეთა გენეტიკური რესურსების ბანკის სამუშაო პროცეს გაეცნო, სადაც 35 000-ზე მეტი თესლის ნიმუში ინახება. მან, ასევე, დახურულ და ღია გრუნტში განთავსებული, სხვადასხვა სასოფლო-სამეურნეო კულტურის ჯიშების კოლექციები დაათვალიერა“,- ნათქვამია ინფორმაციაში.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქართული პრესის მიმოხილვა 27.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია