ოთარ შამუგიამ კომპანიის „მუხათის მარანი“ ახლად გაშენებული ვენახი დაათვალიერა და ღვინის მცირე საწარმოს მშენებლობის მიმდინარეობას გაეცნო

გარემოს დაცვისა და სოფლის მეურნეობის მინისტრმა, ოთარ შამუგიამ, ქვემო ქართლის სახელმწიფო რწმუნებულ გიორგი დოხტურიშვილთან ერთად, თეთრიწყაროს მუნიციპალიტეტში, სოფლის განვითარების სააგენტოს ბენეფიციარი კომპანიის „მუხათის მარანი“ ახლად გაშენებული ვენახი დაათვალიერა და სახელმწიფო პროგრამის ფარგლებში, ღვინის მცირე საწარმოს მშენებლობის მიმდინარეობას გაეცნო.

„მევენახეობა-მეღვინეობის დარგის განვითარება ჩვენთვის განსაკუთრებულად პრიორიტეტული მიმართულებაა. თეთრიწყაროს მუნიციპალიტეტში, ჩვენმა ბენეფიციარმა, სახელმწიფოს მხარდაჭერით შეძლო ახალი ვენახის გაშენება; ამ ეტაპზე, აშენებს თანამედროვე სტანდარტების ღვინის საწარმოს და გეგმავს სასტუმროს ინფრასტრუქტურის მოწყობას. შესაბამისად, აქ შეიქმნება აგროტურისტული სივრცე, რომელიც ძალიან მნიშვნელოვანია როგორც ტურიზმის განვითარებისთვის, ისე ქართული ხარისხიანი პროდუქციის პოპულარიზაციისთვის“, - განაცხადა გარემოს დაცვისა და სოფლის მეურნეობის მინისტრმა ოთარ შამუგიამ.

კომპანიამ „მუხათის მარანი“, 2020 წელს, პროგრამით „დანერგე მომავალი“, 5 ჰექტარზე ვენახის გაშენებისათვის თანადაფინანსება 44,800 ლარი მიიღო. კომპანია, ღვინის მარნის მშენებლობისათვის, 1,5 მლნ ლარის შეღავათიანი აგროკრედიტით სარგებლობს. სასოფლო-სამეურნეო მექანიზაციის თანადაფინანსების პროგრამის ფარგლებში, კომპანიამ 233,500 ლარის ღირებულების სასოფლო-სამეურნეო ტექნიკა 30%-იანი თანადაფინანსებით მიიღო.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
ქართული პრესის მიმოხილვა 30.06.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
თბილისში დავით ტატიშვილის სამედიცინო ცენტრის კიდევ ერთი ფილიალი გაიხსნა
„ვენდისსა“ და „დანკინში“ „დორას“ „მამალოები“ უკვე წარმატებით იყიდება
კახა ოქრიაშვილი - „ყაველაშვილის ტრიო“ მომავალში მრავალი პოლიტიკური ტრიუკისთვის იქნება გამოყენებული
„ფოთის ახალ საზღვაო ნავსადგურში“ დოკერისა და მძღოლ-ოპერატორების კურსებზე პრაქტიკულ სწავლებას 40-ზე მეტი პირი გადის
„ონისი“ - 3 მეგობრის მიერ დაწყებული გემრიელი ბიზნესი
კარდიოასმაგნე - გულ-სისხლძარღვთა დაავადებების პრევენცია და მკურნალობა
„ლიბერთი“ მასწავლებელთა პოპულარიზაციის გლობალურ კამპანიას უჭერს მხარს
მელიქიშვილის 10 ნომერში სასტუმრო ”რამადა თბილისი” გაიხსნა
სს „ლიბერთი ბანკის“ გენერალურ დირექტორად ბექა გოგიჩაიშვილი დაინიშნა