დავით სერგეენკოს განცხადებით, დეოლიგარქიზაცია არ არის ინდივიდუალური, ივანიშვილისადმი მიმართული საკითხი, მსგავსი მოთხოვნა სამივე ქვეყანას აქვს წაყენებული
დეოლიგარქიზაციასთან დაკავშირებით ერთ- ერთი ქვეყნის შესაბამისი კანონმდებლობის დრაფტი ახლა გადის ექსპერტიზას და მალე გახდება საჯარო, თუ ეს კანონმდებლობა მისაღები იქნება საქართველოს რეალობისთვის, რა თქმა უნდა, განხილული იქნება, - ამის შესახებ პარლამენტის ვიცე- სპიკერმა დავით სერგეენკომ განაცხადა.
სერგეენკო აცხადებს, რომ დეოლიგარქიზაცია არ არის ინდივიდუალური და ივანიშვილისადმი მიმართული საკითხი, რადგან მსგავსი მოთხოვნა სამივე ქვეყანას აქვს წაყენებული.
კითხვაზე, ვინ არის საქართველოში ოლიგარქი და არის თუ არა ეს ივანიშვილი, სერგეენკო აცხადებს, რომ ვინ არის ოლიგარქი ეს კანონმა უნდა განსაზღვროს.
"გუშინდელი სახალხო შეკრება იყო იმის კიდევ ერთი მკაფიო გამოხატულება, რომ საქართველოს აბსულუტურ მოსახლეობას ევროპის გზა აქვს არჩეული და ამ გზიდან არ გადაუხვევს. რაც შეეხება პოლიტიკურ შემადგენელს, იყო ალბათ რაღაც პოლიტიკური ნაწილი, რომელიც უმცირესი იყო, დომინანტი იყო საზოგადოების გულწრფელი სურვილი, კიდევ ერთხელ დაეფიქსირებინა თავის ევროპული არჩევანი. თუკი შევადარებთ სამი ქვეყნის პირობებს, დეოლიგარქიზაცია საქართველოსთან მიმართებით დგას, მოლდოვასთან მიმართებითაც ზუსტად ამ სიტყვით დგას და უკრაინასთან მიმართებით დგას, რომ წლის ბოლომდე მოხდეს ფინალიზაცია ანტიოლიგარქიული კანონმდებლობის მიღების. ეს საკითხი სამივე ქვეყანასთან მიმართებით არის, რაც ნიშნავს, რომ ეს არის სისტემური და არა ინდივიდუალური საკითხი.
რამდენადაც მე ვიცი, ერთ-ერთი ქვეყნის შესაბამისი კანონმდებლობის დრაფტი ახლა გადის შესაბამისი ექსპერტიზას და მალე გახდება მიწვდომადი, თუ ეს კანონმდებლობა მისაღები იქნება საქართველოს რეალობისთვის, რა თქმა უნდა, განხილული იქნება. ნებისმიერი საკითხი უნდა გადაწყდეს კანონის ფარგლებში. ეს არა ინდივიდუალური, მაგალითად, ივანიშვილისადმი მიმართული საკითხია, არამედ ეს არის სისტემური საკითხი, რომელიც სამივე კანდიდატ ქვეყანასთან არის წარდგენილი როგორც წლის ბოლომდე შესასრულებელი პირობა. ვინ არის ოლიგარქი, ეს უნდა მოექცეს კანონმდებლობის ჩარჩოში, ერთ- ერთი კანდიდატი ქვეყნის კანონმდებლობაში მზადდება პროექტი, რომელიც გაივლის ექსპერტიზას და გახდება საჯარო. იქნება დეფინიცია და რეაგირების გეგმა", - განაცხადა სერგეენკომ.
v-if="article.gallery" v-html="article.gallery"
