საქართველოს ეროვნულ ოლიმპიურ კომიტეტში სპორტულ-შემეცნებითი ოლიმპიადა გაიმართა

საქართველოს ეროვნულ ოლიმპიურ კომიტეტში სპორტულ - შემეცნებითი ოლიმპიადა 16 ივნისს გაიმართა.

ორგანიზატორების ცნობით, ფინალში გასულმა გუნდებმა წარმოადგინეს ნამუშევრების პრეზენტაცია თემაზე „ოლიმპიური თამაშები ანტიკური ხანიდან დღევანდელობამდე“.

მათი ცნობით, დაჯილდოებას ესწრებოდნენ საქართველოს ეროვნული ოლიმპიური კომიტეტის პრეზიდენტი ლერი ხაბელოვი და საქართველოს ეროვნული ოლიმპიური კომიტეტის პირველი ვიცე პრეზიდენტი ელგუჯა ბერიშვილი.

„ფინალურ ეტაპზე მონაწილე თბილისის 36-ე საჯარო სკოლის, ილია ჭავჭავაძის სახელობის ბათუმის პირველი საჯარო სკოლის და მერაბ კოსტავას სახელობის თელავის მე-4 საჯარო სკოლის გუნდების ნამუშევრებიდან გაზეთ „ლელოს“ რედაქციამ გამოავლინა ჩემპიონი და პრიზიორი გუნდები.

საქართველოს სპორტულ- შემეცნებითი ოლიმპიადა 2022-ის გამარჯვებული გახდა მერაბ კოსტავას სახელობის თელავის მე-4 საჯარო სკოლა, მეორე ადგილი დაიკავა თბილისის 36-ე საჯარო სკოლამ, ხოლო მესამე ადგილზე გავიდა ილია ჭავჭავაძის სახელობის ბათუმის პირველი საჯარო სკოლა.

გამარჯვებული და პრიზიორი სკოლების გუნდები დაჯილდოვდნენ მედლებით, დიპლომებითა და თასით.

თითოეულ სკოლას, საქართველოს ეროვნული ოლიმპიური კომიტეტისგან, გადაეცათ სამახსოვრო საჩუქრები.

საქართველოს ბავშვთა და სასკოლო სპორტის ეროვნული ფედერაცია ულოცავს გუნდებს გამარჯვებას და უსურვებს შემდგომ წარმატებებს“,- ნათქვამია გავრცელებულ ინფორმაციაში.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა