საინვესტიციო ფონდი „კეტარი” საქართველოში პრესკონფერენციას მართავს

22 ივნისს, 14:00 საათზე, მულტიფუნქციორ სივრცეში „რესპუბლიკა“, ისრაელში დაფუძნებული საერთაშორისო საინვესტიციო ფონდის „კეტარის” პრესკონფერენცია გაიმართება.

პრესკონფერენციას დაესწრებიან ფონდის დამფუძნებლები და მათ მიერ სპეციალურად მოწვეული სტუმარი - მარტინ ლინდსტრომი, მსოფლიოში აღიარებული, ნომერ პირველი კულტურისა და ბრენდის ექსპერტი.

ფონდი “კეტარი” არის კრეატიული კომპანიებისა და პროექტების საერთაშორისო გაერთიანება, რომელიც 20 ქვეყანასა და 4 კონტინენტზე ოპერირებს. ფონდს წამყვან ქვეყნებში განხორციელებული აქვს არაერთი პროექტი. მათ შორის აღსანიშნავია, აშშ- ში, გერმანიაში, ესპანეთში, ნიდერლანდებში, პოლონეთსა და ჩეხეთში კრეატიული ინდუსტრიის წარმომადგენლების მიერ გამოყენებული დიზაინის ნამუშევრების დეპონირების სერვისი ALGO და გლობალური მედია მონიტორინგის სისტემა - AI&ML.

„კეტარის" მთავარი მიზანია, კომფორტული ზონის შექმნა და მხარდაჭერა კრეატიული კლასტერებისა და შემოქმედებითი საზოგადოების იდეებისა და პროექტებისთვის. ამასთანავე, ფონდი გეგმავს ინვესტირების განხორციელებას სტარტაპებში.

საქართველოში “კეტარი” იწყებს პროექტების ძიებას, შემდგომი ინვესტირების მიზნით, კრეატიული ინდუსტრიის ნებისმიერი დარგიდან, მათ შორის, IT ტექნოლოგიები; ციფრული და ტრადიციული მედია; კინოწარმოება; სარეკლამო ბიზნესი; მოდის ინდუსტრია და სხვა.

ფონდი საქართველოში გეგმავს საგანმანათლებლო და შემოქმედებითი ღონისძიებების სერიას, ასევე საჯარო დისკუსიებისთვის მუდმივმოქმედი პლატფორმების შექმნას, რომლის მიზანია ამ მიმართულებით დაინტერესებული ადამიანების გაერთიანება, ასევე ცოდნისა და გამოცდილების გაზიარება.

ფონდი „კეტარის“ დახურული პრეზენტაცია „Everything is O.Kettari“ გაიმართება ხუთშაბათს, 23 ივნისს 19:00 საათზე, სადაც მარტინ ლინდსტრომი მოხსენებას გამართავს შემდეგ თემებზე: შემოქმედებითობა, კრეატიული ეკონომიკა, საზოგადოებებისა და სახელმწიფოების ტრანსორმაციები შემოქმედებითი ეკონომიკისა და კრეატიულობის მეშვეობით.

პრეზენტაციას დაესწრებიან შემოქმედებითი ინდუსტრიის მენეჯერები, სახელმწიფო და საერთაშორისო ორგანიზაციის წარმომადგენლები, ასევე დიპლომატიური კორპუსი.

ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ემილ ავდალიანი - ამიერიდან ირანი და ისრაელი მეტოქეობის განსხვავებულ ეტაპზე გადავიდნენ
ქართული პრესის მიმოხილვა 18.04.2024
ალიანს ჰაილაინი, როგორც სრულყოფილი საინვესტიციო პროდუქტი
ბოლო დროის ყველაზე პოპულარული B2B პროექტი - ONFAYA, Golden Tulip Design Tbilisi-ში
სუპერმარკეტების ქსელმა „ლიბრე“ განახლებული ფილიალი გახსნა
წინანდლის მამულში საგაზაფხულო სეზონი კულტურული ღონისძიებებით გაიხსნა