მაკა ბოჭორიშვილმა ევროპული ბიზნეს  ასოციაციის ფორუმში მიიღო მონაწილეობა

საქართველოს პარლამენტის ევროპასთან ინტეგრაციის კომიტეტის თავმჯდომარემ, მაკა ბოჭორიშვილმა მონაწილეობა მიიღო ევროპული ბიზნესს ასოციაციის (EBA) ორგანიზებით გამართულ ღონისძიებაში - EU-Georgia Business Forum 2022 . ამის შესახებ ინფორმაციას საქართველოს პარლამენტის პრესსამსახური ავრცელებს.

სიტყვით გამოსვლისას მაკა ბოჭორიშვილმა საქართველო-ევროკავშირს შორის ასოცირების შესახებ შეთანხმების მათ შორის, ღრმა და ყოვლისმომცველი თავისუფალი ვაჭრობის სივრცის შეთანხმების ფარგლებში, წარმატებით განხორციელებულ რეფორმებზე, ევროკავშირის კანონმდებლობასთან დაახლოების კუთხით მიღწეულ პროგრესსა და საქართველოსა და ევროკავშირს შორის ეკონომიკური კავშირების გაღრმავების მნიშვნელობაზე ისაუბრა.

„საქართველოს მიერ მიღწეული პროგრესი თვალსაჩინო და ხელშესახებია სხვადასხვა სფეროში რეფორმების წარმატებით განხორციელებაში. მსოფლიოში ბიზნესის კეთების სიმარტივისა და ინვესტიციების მიმზიდველობის თვალსაზრისით, ჩვენმა დაუღალავმა ძალისხმევამ შესაძლებელი გახადა საქართველო რეგიონში ლიდერ ქვეყანად გადაგვექცია. ევროპულ ბაზარზე რეალური ინტეგრაციისთვის გასაკეთებელი ჯერ კიდევ ბევრია და ამ პროცესში ბიზნესს ნამდვილად განსაკუთრებული როლი ენიჭება", - განაცხადა მაკა ბოჭორიშვილმა.

პარლამენტის პრესსამსახურის მიერ გავრცელებული ინფორმაციის თანახმად, დღეს გამართული ღონისძიების მიზანი იყო საქართველოს ბიზნესს სექტორში არსებული მიღწევების, გამოწვევებისა და ზოგადი ტენდენციების გაცნობა, ევროპული ბიზნესს ასოციაციის მიერ განხორციელებული პროექტის - „ევროპული ბიზნესისა და ეკონომიკური ინტერესების ხელშეწყობა საქართველოში" ფარგლებში ჩატარებული ბიზნესს გარემოს კვლევის წლიური ანგარიშისა და ევროპული ეკონომიკური თანამშრომლობის პლატფორმის (EECP) პრეზენტაცია.

ამასთან, ფორუმში საქართველოს პარლამენტის წევრები, მთავრობის, დიპლომატიური კორპუსის, ქართული და ევროპული ბიზნესს სექტორის, საფინანსო ინსტიტუტებისა და საერთაშორისო ორგანიზაციების წარმომადგენლები მონაწილეობდნენ.

ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
ქართული პრესის მიმოხილვა 27.06.2022
გოგა მელიქიძე - საპენსიო ფონდი მნიშვნელოვან ზრდას განაგრძობს
"არქი" ოქროს ბრენდის გამარჯვებული გახდა
ისტორიული დღე ვატიკანში - პირველად, სიქსტის კაპელაში, ქართული გალობა გაისმა
კახა ოქრიაშვილი - ივანიშვილის ღარიბაშვილი ქართველი ხალხის 90%-ს დესტრუქციულ ძალას უწოდებს!
საერთაშორისო ფორვარდინგული კომპანია "ტეპკო" განცხადებას ავრცელებს
„მაგნიტის“ მეხუთე გათამაშებაში მოგებული 100 000 ლარი - რა გეგმები აქვს გამარჯვებულ ოჯახს
Bitnet – კრიპტო სტარტაპი, რომელმაც საერთაშორისო დაფინანსება მოიპოვა
დომუსის ახალი, მზიანი და ნათელი საცხოვრებელი კომპლექსი გაზაფხულის ქუჩაზე
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია